Lancashire er eit ikkje-metropolitansk grevskap i Nordvest-England. Det har fått namn frå byen Lancaster og vert stundom kalla County of Lancaster.[1] Lancashire grevskapsråd held til i Preston. Lancaster vert likevel rekna som administrasjonsby. Lancashire vert stundom forkorta Lancs, opphavleg nytta av Royal Mail. Grevskapet har kring 1,5 millionar innbyggjarar og desse vert kalla lancastrians.
Lancashire vart grunnlagd på 1100-talet. I Domesday Book (1086) vert landområda her omtalte som ein del av Yorkshire. Området mellom elvane Mersey og Ribble var ein del av Cheshire. Då dei opphavlege grensene vart fastsett, grensa Lancashire til Cumberland, Westmorland, Yorkshire og Cheshire.