Sidan filmmusikkalbum til Presley selde langt betre enn dei vanlege albuma (Blue Hawaii selde ti gonger så mykje som Pot Luck with Elvis) vart Presley nøydd til å skrive songar forma for lett underhaldning og filmar med vakre bakgrunnar og vakre kvinner.[3] Filmmusikken fekk derfor fokus frå og med dette albumet.
Det vart spelt inn seksten songar under innspelinga i mars, der 13 av dei hamna på filmmusikkalbumet.[4] Sidan Jerry Leiber og Mike Stoller vart avvist etter å ha hamna på kant med the Colonel, måtte songane dei skreiv for dette albumet alt ha blitt skrivne før den tid. Det same vart The Coasters-hitten frå 1961 som Presley spelte inn for filmen.[5] Denne songen og to andre, «Return to Sender» og «Because of Love», finst på samlealbumet Command Performances: The Essential 60's Masters II frå 1995.
Songane «Return to Sender» og «Where Do You Come From» vart gjevne ut på singel i oktober 1962, ein månad før albumet kom. «Return to Sender» vart ein stor hit for Presley og nådde andreplassen på Billboard Hot 100, medan B-sida, «Where Do You Come From», nådde 99. plassen.[6]
Selskapet Follow That Dream gav ut ein utvida versjon av albumet i 2007, med alternative opptak og songar som ikkje hamna på det originale albumet.[7]
