«Congo» er ein song av det engelske rockebandet Genesis frå 1997 på albumet ...Calling All Stations.... Singelen var debuten til Ray Wilson som solovokalist for bandet. Singelen vart ein hit i Europa.
Detaljar
Songen handlar ikkje om Kongo i Afrika, men om to personar som ikkje kjem overeins og ønskjer å halde så stor avstand til kvarandre som mogeleg. Musikalsk opnar songen med ein karibisk trommerytme medan ei afrikansk-likande stamme syng «Congo the Congo», før songen går inn i ei mørkare, gitarbasert melodi.
Musikkvideo
Musikkvideoen, regissert av Howard Greenhalgh, nyttar mange industrialiserte bilete medan bandet spelar i eit skipsverft med slavearbeid som er sterkt vakta. Massive vasskanonar vert nytta til å kontrollere opprør og bandet vert ofte dusja i vatn gjennom videoen.
