Nativitas: 30 Augusti 1973; Mizil Patria: Romania Nomen nativum: Ana Călin
Anna (Dacoromanice Ana) Birchall (nata die 30 Augusti1973 in oppido Mizil in Prahova circulo nomine Ana Călin) causidica et rerum politicarum perita Dacoromanica est.
Erudito et munus
Anna Călin ad annum 1996 ad Universitatem Bucarestensem iuriprudentiae studebat, deinde apud Universitatem Yalensem doctor iurisprudentiae promota est. Ab anno 2002 advocata, etiam pro societatibus commercialibus operam dedit. Postea etiam consiliaria senatus Romaniae et consilio ministrorum Romaniae fuit.
Cursus honorum
Birchall, sodalis factionis PSD, anno 2012 legata ad Cameram Legatorum Romaniae electa est et suffragio anni 2016 iterum legationem accepit. Die 4 Ianuarii2017 nova ministra delegata rerum Europaearum in consilio ministrorum Sorin Grindeanu nominata est[1]. Hunc in magistatrum Dragoş Christiano Dinu successit. Die 10 Februarii etiam ministerium iustitiae pro tempore a Florino Iodarche, qui propter iram populi de amnestia politicorum de magistratu se recesserat, successit[2]. Mense Iunio eiusdem anni cum paene omnibus ministris se a magistratu recessit et Victor Negrescu die 29 Iunii ei successit[3]. Die 29 Ianuarii2018 Prima ministra vicaria "pro amicitiis strategicis" in consilio ministrorum Vioricae Dăncilăe nominata est[4] Die 24 Aprilis2019 Anna Birchall pro tempore ministerium iustitiae suscepit[5].
Familia
Maritus Annae ab anno 1998 Martinus Birchall est. Habent filium nomine Andreas Iacobus Ioannes Birchall.
