პროვინცია
სურ-ლიპესის პროვინცია Provincia de Sud Lípez
ქვეყანა	ბოლივია
ადმ. ცენტრი	San Pablo de Lípez
კოორდინატები	22°08′00″ ს. გ. 67°01′00″ დ. გ. / 22.13333° ს. გ. 67.01667° დ. გ. / -22.13333; -67.01667
ფართობი	22 355 კმ²
სალაპარაკო ენები	ესპანური, კეჩუა
მოსახლეობა	4 905 კაცი (2001)
სიმჭიდროვე	0,3 კაცი/კმ²
სასაათო სარტყელი	UTCGMT -4
სურ-ლიპესის პროვინცია ვიკისაწყობში

სურ-ლიპესის პროვინცია (ესპ. Provincia de Sud Lípez) — პროვინცია ბოლივიაში, პოტოსის დეპარტამენტში. დედაქალაქია სან-პაბლო-დე-ლიპესი.

სურ-ლიპესი ერთ-ერთია პოტოსის დეპარტამენტის თექვსმეტი პროვინციიდან. მდებარეობს ვულკან ლიკანკაბურის ჩრდილო-აღმოსავლეთ კალთებზე. სამხრეთ დასავლეთით და სამხრეთით ესაზღვრება ჩილე, სამხრეთ-აღმოსავლეთით და აღმოსავლეთით — არგენტინა. ჩრდილოეთიდან სამხრეთისკენ გადაჭიმულია 230 კმ-ზე, აღმოსავლეთიდან დასავლეთისკენ 100 კმ-ზე, ხოლო მთლიანი ფართობი 22 355 კმ²-ს შეადგენს.

პროვინციის ტერიტორიაზე მრავლადაა ტბები და მარილის ქვაბულები, რომელთა შორის უდიდესია ლაგუნა-კოლორადა. ასევე აღსანიშნავია ლაგუნა-ვერდე, ლაგუნა-ბლანკა, ლაგუნა-კელესტე.

• 1992 წლის აღწერისას, მოსახლეობა 4 158 ადამიანს შეადგენდა, 2001 წელს კი 4 905-ს, ანუ ადგილი ჰქონდა 18 %-იან ზრდას.
• მოსახლეობის 99.4 %-ს არ აქვს ელექტროენერგია.
• 69 % დასაქმებულია სასოფლო-სამეურნეო სფეროში, 4 % მაღაროებში, 4% მრეწველობაში, 23 % მომსახურების სფეროში (2001).
• მორწმუნეთა 86 % კათოლიკეა, 9 % პროტესტანტი.

მოსახლეობის ძირითადი ნაწილი კეჩუას შთამომავლები არიან.

პროვინცია შედგება სამი მუნიციპალიტეტისაგან, რომლებიც თავის მხრივ კანტონებად იყოფა.

• ბოლივიის პროვინციები

• Detailed map of province towns and rivers დაარქივებული 2012-04-20 საიტზე Wayback Machine.
• Population data (Spanish) დაარქივებული 2007-02-22 საიტზე Wayback Machine.
• Panoramic pictures of the province

22°04′ ს. გ. 67°07′ დ. გ. / 22.067° ს. გ. 67.117° დ. გ. / -22.067; -67.117

ხ • გ • რ პოტოსის დეპარტამენტის პროვინციები ალონსო-დე-იბანიესი · ანტონიო-კიხარო · ბერნარდინო-ბილბაო · ჩარკასი · ჩაიანტა · კორნელიო-საავედრა · დანიელ-კამპოსი · ენრიკე-ბალდივიესო · ხოსე-მარია-ლინარესი · მოდესტო-ომისტე · ნორ-ჩიჩასი · ნორ-ლიპესი · რაფაელ-ბუსტილიო · სუდ-ჩიჩასი · სურ-ლიპესი · ტომას-ფრიასი