Karbala iku kutha paling sugih ing Irak. Sumber devisané asal saka pengunjung kang ngayahi ibadat lan produk panganan, mligi kurma. Sacara administratif, Karbala kapérang dadi rong dhistrik, "Karbala Tuwa", punjer agama, lan "Karbala Anyar", laladan omahan kang ana sekolah Islam lan yasan pamaréntah.
Ing punjer kutha tuwa ana Mashad al-Husain, pesaréan Husain bin Ali, putuné Muhammad. Pesaréan Husain minangka panggonan ziarah kanggoné kaum MuslimSingah, mligi ing padha karaméan mèngeti pertempuran Dina Asyura. Akèh peziarah sepuh kang ziarah ing pesaréan mau kanggo nunggu ajal, awit makam iku dipercaya minangka salah siji gerbang nuju swarga. Lokasi liya kang dikunjungi kaum Singah yaiku al-Makhayam, biyèn dipercaya dadi panggonan kamp Husain, misuwur saka kakendelané Husain lan para pengiringé dipèngeti kanthi umum. Kaitané kang raket karo Islam Singah ndaadèkaké Karbala minangka punjer instruksi lan panyebaran agama; Karbala nduwé paling sithik 100 masjid lan 23 madrasah, ing nantarané duwèké ulama misuwur, Ibnu Fahid, kang diwangun 440 taun kapungkur.
