Wilhelm Dilthey

Biografía
Nacemento	(de) Wilhelm Christian Ludwig Dilthey 19 de novembro de 1833 Biebrich (Confederación Xermánica)
Morte	1 de outubro de 1911 (77 anos) Seis am Schlern (Imperio Austrohúngaro)
Causa da morte	morte natural
Lugar de sepultura	Biebrich (en)
Relixión	Igreja evangélica (pt)
Educación	Universidade de Heidelberg Universidade Humboldt de Berlín
Actividade
Campo de traballo	Filosofía, história intelectual (pt) e understanding psychology (en)
Ocupación	filósofo, sociólogo, profesor universitario, crítico literario, pedagogo, psicólogo, teólogo, historiador, mestre
Período de tempo	Filosofía contemporánea
Empregador	Universidade de Breslau Universidade Humboldt de Berlín Universidade de Basilea Universidade de Kiel (pt)
Membro de	Academia Prusiana das Ciencias Academia de Ciencias de Baviera
Movemento	Filosofía occidental
Influencias	Immanuel Kant, Friedrich Schleiermacher, Georg Wilhelm Friedrich Hegel e John Stuart Mill
Obra
Doutorando	Richard Hamann, Leo Baeck, Eberhard Gothein e Georg Misch
Familia
Cónxuxe	Katharina Dilthey
Fillos	Clara Misch
Irmáns	Karl Dilthey Lilly Usener Marie Dilthey
Premios
Orde do Mérito das Ciencias e as Artes
Descrito pola fonte	Grande Enciclopedia Soviética 1969-1978, (sec:Дильтей Вильгельм) Dictionary of Biblical Criticism and Interpretation (2007 ed.) (en) , (sec:Dilthey, Wilhelm (1833-1911)) Obálky knih,

Wilhelm Dilthey, nado en Biebrich o 19 de novembro de 1833 e finado en Seis am Schlern o 1 de outubro de 1911 foi un filósofo alemán, pai do historicismo filosófico.

Estudou en Heidelberg e Berlín. Foi profesor en Basilea, Kiel, Breslau e Berlín.

Integra na evolución histórica a comprensión da vida. O concepto de vida humana é central no seu pensamento. A filosofía non é unha esixencia simplemente intelectual senón vital. A filosofía ten que abranguer os problemas da vida que son experimentados a través da historia. Aínda que xa Hegel potenciara a dimensión histórica da razón esta, na súa filosofía, seguía sendo un despregue da idea e polo tanto fundamentalmente unha razón lóxica afastada da vida como historia.

A vida ten unha dimensión representativa mediante a que obtemos un coñecemento científico, unha imaxe obxectiva do mundo, unha dimensión afectiva que fundamentan as valoracións; e unha dimensión volitiva, os principios de acción. Na unidade destas dimensións se leva a cabo a vivencia.

Debe superarse a relatividade histórica e o subsecuente escepticismo así como o saber pechado e rigoroso (a metafísica). Precísase unha idea xeral da totalidade a través das concepcións do mundo. Estas, máis que da vontade de coñecer, nacen das actitudes vitais. A metafísica é inevitable en canto que necesitamos poñer orde e orientarnos no medio dos enigmas da vida, pero a metafísica é unha tarefa aberta.

Dilthey busca un fundamento gnoseolóxico ás ciencias do espírito, os límites dentro dos cales é posible en cada unha delas o coñecemento. A solución a esta tarefa a denomina como Crítica da razón histórica, en paralelo á crítica da razón pura de Inmanuel Kant.

Dilthey trata de responder a como é posible delimitar as ciencias naturais con respecto as ciencias culturais. Estas últimas fundaméntanse na vivencia mesma, na súa expresión e na súa comprensión. Os xuízos, conceptos e coñecementos das ciencias do espírito teñen como alicerce a vivencia. A raíz última da concepción do mundo é a vida, unha vida que é revivida de novo en cada individuo e aínda que se subtrae á observación, como mero momento que é do presente, é retida, porén, no eco da lembranza e, por outra banda, pode ser abranguida en toda a súa fondura por medio da comprensión e da interpretación. Só a partir da vida humana se poderán comprender fundadamente as súas diferentes manifestacións culturais, o sentido da historia e a necesidade e os problemas da filosofía.

As ciencias do espírito parten da conexión psíquica dada na experiencia interna e teñen como obxecto o home na súa totalidade. O coñecemento da realidade histórico-social lévase a cabo nas ciencias do espírito.

• Einleitung in die Geitesswissenschaften(1883)
• Der Aufbau der geschichtlisen Welt in den Geistesswissenschaften (1910)