Os Tampa Bay Rays son un equipo profesional de béisbol con base en St. Petersburg (Florida), que compite na Major League Baseball (MLB). Actualmente o equipo xoga na conferencia Leste da American League. Dende a súa fundación en 1998 xogan no Tropicana Field. Remataron na derradeira posición en nove das súas primeiras dez tempadas, a primeira tempada dos Rays con máis vitorias que derrotas foi en 2008, cando gañaron o seu primeiro título de división. Gañaron dous títulos de división, en 2008 e 2010.
En novembro de 2007, o principal propietario, Stuart Sternberg, fixo cambios significativos na imaxe da franquía, cambiando o nome do equipo, de Tampa Bay Devil Rays a "Tampa Bay Rays". As cores do equipo, antes negro, verde e azul, foron cambiados ao azul mariño, azul claro e dourado; e o símbolo do equipo foi cambiado, e agora é un raio de Sol.
