PROFILPELAJAR.COM

Miguel Dopico
Biografía
Nacemento	Ferrol, España
Actividade
Ocupación	piloto de rally
Deporte	rally

Luis Miguel Dopico Abelleira, nado en Ferrol,^[1] é un expiloto galego de rallys. Foi un dos principais pilotos do Campionato de Galicia de Rally dos anos 90, no que se proclamou campión na tempada 1995.^[2]

Traxectoria

Iniciouse nos rallys a mediados dos anos 80 conducindo un Seat Panda. Tras un pequeno paréntese reapareceu en 1988 para disputar o Rally Cidade de Cristal cun Peugeot 205 GTI. Con este coche disputou en 1989 o Desafío Peugeot.^[1] En 1991 competiu cun Peugeot 309 GTI 16v co que quedou cuarto no Rally da Coruña^[3] e subiu ao podio en terceira posición no Rally Mil Vistas.^[4] Na tempada 1993 do Campionato de Galicia de Rally adquiriu un Ford Escort RS Cosworth, co que conseguiu dous podios, quedando terceiro no Rally de Ferrol^[5] e segundo no Mil Vistas, só por detrás de Germán Castrillón.^[6]

Comezou a tempada 1994 logrando a súa primeira vitoria no primeiro rally do ano, o Albariño.^[7] A continuación, tras un abandono en Noia sumou unha nova vitoria, no Rally de Ferrol,^[8] e en agosto a terceira, gañando o 5º Rally Mil Vistas,^[9] liderando deste xeito o campionato. Na segunda parte da tempada quedou cuarto no Rally Rías Baixas^[10] e segundo no Lacón e no Botafumeiro, en ambos casos por detrás de Arturo Rial.^[11]^[12] Con todo, no Rally da Coruña, última proba da tempada, o navarro Javier Azcona conseguiu os puntos necesarios para superalo, polo que Dopico e o seu copiloto Álvaro Louro, remataron como subcampións galegos.^[13]^[1]

Ao ano seguinte gañou o Rally de Noia e o Rally do Lacón, que sumados a outros cinco podios na tempada déronlle os puntos suficientes para proclamarse campión galego por diante de Germán Castrillón.^[2] Non puido revalidar o título ao ano seguinte, nunha tempada na que sufriu varios abandonos. Con todo, gañou o Rally Botafumeiro.

Nos seguintes anos competiu con menos sorte cun Seat Ibiza, tendo como mellores resultados dous terceiros postos nos rallys de Narón e Ferrol de 1998, en ambos casos por detrás de Germán Castrillón e Manolo Senra. No ano 2001 disputou case todas as probas do Campionato de España e rematou segundo na Copa Seat Ibiza, a só un punto do campión, Xavier Ezenarro.^[14] Tras varios anos sen competir reapareceu en 2006 no Rally de Ferrol a bordo dun Seat León Cupra, co que rematou 10º. En 2007 quedou quinto nos rallys do Cocido e de Narón, conducindo un Subaru Impreza. Logo, tras uns anos sen correr, disputou algúns rallys do campionato galego en 2010 e 2011, cun Ford Fiesta R2 e acompañado por Diego Ernesto Rumbo como copiloto, mais sen grandes resultados.^[15]

Palmarés

Resultados no Campionato de Galicia

Ano	Vehículo	1	2	3	4	5	6	7	8	9	10	11	Posición
1991	Peugeot 309 GTI 16v	SIL	NOI	LAC	OUR	BOT	RBX	COR 4	VIG	SFR	RMV 3	FER
1992	Peugeot 309 GTI	ALB	NOI	LAC	FER	RBX	COR Ret	OUR	RMV
1993	Ford Escort RS Cosworth	ALB	NOI	LAC	FER 3	OUR	SFR	RBX	BOT	COR Ret	RMV 2
1994	Ford Escort RS Cosworth	ALB 1	NOI Ret	FER 1	OUR	SFR	RMV 1	NAR Ret	RBX 4	LAC 2	BOT 2	COR	2º
1995	Ford Escort RS Cosworth	ALB	NOI 1	LAC 1	OUR 16	BOT 2	NAR 2	RBX 2	SFR Ret	COR 3	FER 2		1º
1996	Ford Escort RS Cosworth	ALB	NOI 2	LAC	BOT 1	NAR Ret	OUR Ret	LAL	RBX Ret	POR	FER Ret	COR
1997	Seat Ibiza Cupra	NOI	BOT	LAC	NAR 7	COC	ALB	FER
1998	Seat Ibiza Cupra	NOI	BOT	COC	NAR 3	ALB	FER 3	LAC
1999	Seat Ibiza Cupra	COC	BOT	NAR Ret	ALB 5	LUG	FER 5	NOI

Notas

↑ ^1,0 ^1,1 ^1,2 Valencia, José (24 de novembro de 1995). "«Valoro más la cabeza que el pedal»". La Voz de Galicia (en castelán). p. 45. |data-acceso= require |url= (Axuda)
↑ ^2,0 ^2,1 Arévalo, F. (19 de novembro de 1995). "Martínez Conde se quedó sin rivales". La Voz de Galicia (en castelán). p. 60. |data-acceso= require |url= (Axuda)
↑ Arévalo, Fernando (26 de agosto de 1991). "Alonso obtuvo su segundo triunfo en el Rally de La Coruña". La Voz de Galicia (en castelán). p. 37.
↑ Arévalo, Fernando (4 de novembro de 1991). "El regreso al futuro de Germán Castrillón". La Voz de Galicia (en castelán). p. 50.
↑ "Los Castrillón cumplieron los pronósticos en el Rally Ferrol". La Voz de Galicia (en castelán). 7 de xuño de 1993. p. 40. |data-acceso= require |url= (Axuda)
↑ Arévalo, Fernando (13 de decembro de 1993). "Castrillón se quedó sin rivales". La Voz de Galicia (en castelán). p. 57. |data-acceso= require |url= (Axuda)
↑ "Dopico, del Siroco Team, vencedor del III Ralli do Albariño". La Voz de Galicia (en castelán). 27 de marzo de 1994. p. 57. |data-acceso= require |url= (Axuda)
↑ "Dopico, el más rápido en Ferrol". La Voz de Galicia (en castelán). 30 de maio de 1994. p. 47. |data-acceso= require |url= (Axuda)
↑ Caamaño, Abel (7 de agosto de 1994). "Dopico ganó ayer la quinta edición del Rally Mil Vistas". La Voz de Galicia (en castelán). p. 41. |data-acceso= require |url= (Axuda)
↑ Arévalo, F. (24 de setembro de 1994). "Moratal, sin rivales en Vigo". La Voz de Galicia (en castelán). p. 57. |data-acceso= require |url= (Axuda)
↑ Castro, X. R. (31 de outubro de 1994). "Rial aprovechó el Rally do Lacón para lucir su Citroen ZX". La Voz de Galicia (en castelán). p. 64. |data-acceso= require |url= (Axuda)
↑ Bermúdez, Santiago T. (13 de novembro de 1994). "Rial gana todos los tramos y se adjudica el Rally do Botafumeiro". La Voz de Galicia (en castelán). p. 54. |data-acceso= require |url= (Axuda)
↑ Arévalo, F. (20 de novembro de 1994). "El piloto navarro Jaime Azcona conquistó el Ciudad de la Coruña". La Voz de Galicia (en castelán). p. 55. |data-acceso= require |url= (Axuda)
↑ "Resultados nacionais 2001" (PDF) (en castelán). Consultado o 5 de xuño de 2020.
↑ "Los pilotos locales quieren disfrutar" (PDF). La Voz de Galicia (en castelán). 19 de agosto de 2010. p. 10. Consultado o 5 de xuño de 2020.