PROFILPELAJAR.COM

Lois XII de Francia
	;
Nome orixinal	(fr) Louis XII
Biografía
Nacemento	27 de xuño de 1462 ; Castelo de Blois, Francia (pt)
Morte	1 de xaneiro de 1515 (52 anos); Hôtel des Tournelles, Francia (pt)
Lugar de sepultura	Basílica de Saint-Denis
Rei de Francia
	16 de abril de 1498 – 1 de xaneiro de 1515 ; ← Carlos VIII de Francia – Francisco I de Francia →
Datos persoais
Relixión	Igrexa católica
Actividade
Ocupación	monarca
Outro
Título	Duque ; Rei de Francia
Familia	Dinastía Valois
Cónxuxe	María Tudor (1514, 1514 (Gregoriano)–1515); Ana da Bretaña (1499, 1499 (Gregoriano)–1514); Xoana de Valois (1476, 1476 (Gregoriano)–1498)
Fillos	Michel Bucy; () ; Claudia de Francia; () Ana da Bretaña; Renata de Francia; () Ana da Bretaña
Pais	Carlos I de Orleáns e María de Cléveris
Irmáns	María de Orleáns; Ana de Orleáns; Xoana de Valois
Premios
	Orde de San Miguel ;
Descrito pola fonte	Dicionario Enciclopédico Brockhaus e Efron; Biblioteca dixital BEIC; Obálky knih,

Lois XII ou Luís XII de Francia^[1] ou Lois de Orleans, tamén alcumado co nome de Pai do pobo,^[2] foi un monarca da Casa de Valois quen gobernou como rei de Francia desde 1498 ata 1515 e como rei de Nápoles desde 1501 ata 1504, nado en Blois (Francia) o 27 de xuño de 1462 e finado en París o 1 de xaneiro de 1515. Fillo de Carlos I de Orleans e María de Clèves. É coroado como rei de Francia tras falecer o seu primo Carlos VIII e sen deixar descendencia. Estivo casado con Xoana de Valois, con Ana da Bretaña, con quen tivo dúas fillas, a futura raíña de Francia Claudia (1499-1524) e Renata (1510-1575), e con María Tudor.

Traxectoria

Era fillo de Carlos I de Orleans (alcumado como príncipe poeta) e de María de Clèves neto do duque Lois de Valois (irmán máis novo do rei Carlos VI), que foi asasinado en 1407 polo duque Xoán Sen Medo de Borgoña e bisneto de Carlos V de Francia. En 1465 ao quedar orfo foi adoptado polo rei Lois XI, ao mesmo tempo que recibía os títulos dos ducados de Valois e de Orleans. Casou por primeira vez en 1476 coa princesa Xoana de Valois, filla do rei Lois XI de Francia e de Carlota de Savoia. Con este matrimonio non tivo fillos polo que Lois consegue, en 1498, que o papa Alexandre VI anule o seu primeiro matrimonio (para iso deulle ao fillo de Alexandre, César Borgia o ducado de Valentinois) baseándose en que o casamento fora imposto por Lois XI. O matrimonio foi anulado a fin de permitir que casase coa viúva de Carlos, a ex raíña consorte, Ana da Bretaña (1477-1514), que era a filla e herdeira de Francisco II da Bretaña, nunha estratexia destinada a integrar o ducado da Bretaña na monarquía francesa.

En 1484, descontento coa rexencia de Ana de Francia, participa na chamada Guerra tola e cae prisioneiro na batalla de Saint-Aubin-du-Cormier, en xullo de 1488. Indultado tras tres anos de prisión, segue ao seu curmán o rei Carlos VIII a Italia onde fracasará nos seus plans de conquistar o ducado de Milán, para o seu propio beneficio, durante a que seria coñecida como primeira guerra de Italia.

Casou, en segundas nupcias, o 8 de xaneiro de 1499 en Nantes coa duquesa Ana da Bretaña, viúva do seu primo Carlos VIII de Francia. Desta unión naceron:

A princesa Claudia de Francia (1499 - 1524), casada en 1514 con Francisco I de Francia
A princesa Renata de Francia (1509 - 1575), casada en 1528 co duque Hércules II de Ferrara
Un fillo sen nome (1508)
Un fillo morto ao nacer (1512)

O 9 de outubro de 1514 casou en terceiras nupcias, en Abbeville coa princesa María Tudor, filla de Henrique VII de Inglaterra e Isabel de York. Desta unión non tivo fillos.

Morte

Lois morreu o 1 de xaneiro de 1515, e foi enterrado na Basílica de San Denis. Debido á tradición da lei sálica, que non permitía ás mulleres herdar o trono de Francia, foi sucedido polo fillo do seu primo irmán, Francisco I (que tamén era o seu xenro), quen fundou a súa propia liña dinástica de reis franceses.

Notas

↑ "Guía de nomes galegos". Real Academia Galega. Consultado o 2023-12-09.
↑ Alcume que que recibiu na xunta dos Estados Xerais de 1506

Véxase tamén

Bibliografía

André Maurois (1951): Historia de Francia. Editorial Surco. Madrid.
Hochner, Nicole (2006): Louis XII: Les dérèglements de l’image royale, collection «Époques» Seyssel: Champ Vallon