Harrold E. Gillingham

Biografía
Nacemento	1864
Morte	25 de marzo de 1954
País de nacionalidade	Estadounidense
Actividade
Campo de traballo	Coleccionismo, historia e numismática
Ocupación	numismático
Membro de	American Numismatic Society
Familia
Cónxuxe	Louise Hance Long
Premios
1931: Medalla Huntington (ANS).

Harrold Edgar Gillingham, nado en Nova Jersey en 1864 e finado o 25 de marzo de 1954, foi un coleccionista, historiador e numismático estadounidense

Harrod E. Gillingham naceu en 1864 en Nova Jersey, fillo de Tacy Shoemaker Morris e do militar Frank C. Gillingham.^[1]

Asistiu á escola en Filadelfia, na antiga Academia de Artes Lauderbach e na Academia Germantown, e aos 18 anos comezou a traballar como empregado dunha compañía de seguros, ata que fundou a súa propia empresa. Co tempo foi ampliando os seus campos de negocio e chegou a ser presidente da compañía ferroviaria Mine Hill and Schuylkil Haven Railroad Company, e vicepresidente da 13th and 15th Streets RailwayCompany.^[1]

Paralelamente á súa actividade empresarial, tanto el como a súa muller, Louise Hance Long, sentían grande atracción polos asuntos históricos e polo coleccionismo, sinaladamente de ourivaría, medallas e condecoracións.^[1] En 1930 vendeu a súa colección de 4.000 condecoracións de ordes de cabalaría e medallas de guerra.^[2]

Gillingham escribiu numerosos artigos e un bo número de libros acerca de temas tan variados como a xenealoxía, os ourives de Filadelfia, a construción naval, a protección contra incendios, a fabricación de ladrillos e, sobre todo, as condecoracións civís e militares de diversos países, sempre cunha perspectiva histórica.^[1]

Entre outras entidades académicas e de carácter asociativo, Gillingham foi membro da Welcome Society, da Colonial Society of Pennsylvania e da Pennsylvania Society of Sons of the Revolution. Tamén foi un dos membros máis antigos da Historical Society of Pennsylvania (HSP), na que permaneceu durante sesenta anos, algúns deles como vicepresidente, e desde 1953 como membro honorario. Na súa revista, The Pennsylvania Magazine of History and Biography, publicou a maioría dos seus artigos.^[1] A HSP alberga hoxe parte das súas coleccións de artesanía, instrumentos diversos e numismática da primeira época dos EEUU.^[3]

No ámbito numismático, Gillingham ocupou tamén diferentes cargos na Sociedade Numismática e Anticuaria de Filadelfia, e foi tesoureiro (1924-1939)^[4] e vicepresidente segundo (1942-1945)^[5] da American Numismatic Society, que en 1931 o honrou coa concesión do seu máximo recoñecemento, a medalla Huntington.^[2][6]

Gillingham Faleceu repentinamente o 24 de marzo de 1954.^[1]

• (1931): Medalla Huntihgton, da American Numismatic Society, de Nova York.^[7].

Esta é unha escolma dos principais traballos publicados por Harrold E. Gillingham ao longo da súa traxectoria:^[8]

• (1901). The Gillingham family, descendants of Yeamans Gillingham. Patterson & White, Filadelfia.
• (1914). Fire-marks of American fire insurance companies. Filadelfia.
• (1922). French orders and decorations. American Numismatic Society, Nova York.
• (1923). Italian orders of chivalry and medals of honour. American Numismatic Society, Nova York.
• (1926). Spanish orders of chivalry and decorations of honour. American Numismatic Society, Nova York.
• (1928). Notes on the decorations and medals of the French colonies and protectorates. American Numismatic Society, Nova York.
• (1932). South American decorations and war medals. American Numismatic Society, Nova York.
• (1935). Ephemeral decorations. American Numismatic Society, Nova York.
• (1939). Counterfeiting in colonial Pennsylvania. American Numismatic Society, Nova York.
• (1939). Notes on the Burds of Ormiston, Scotland and Philadelphia. Genealogical Society of Pennsylvania, Filadelfia.
• (1940). The first orreries in America. Franklin Institute, Filadelfia.
• (1940). Mexican decorations of honour. American Numismatic Society, Nova York.

• (1927). "Indian and military medals from colonial times to date". En The Pennsylvania Magazine of History and Biography. Vol. 51. Nº 2. Páxinas 97-125. Historical Society of Pennsylvania (HSP), Filadelfia.
• (1929). "Some early brickmakers of Philadelphia". En The Pennsylvania Magazine of History and Biography. Vol. 53. Nº 1. Páxinas 1-17. HSP, Filadelfia.
• (1930). "The cost of old silver". En The Pennsylvania Magazine of History and Biography. Vol. 54. Nº 1. Páxinas 32-51. HSP, Filadelfia.
• (1931). "The Philadelphia Windsor chair and its journeyings". En The Pennsylvania Magazine of History and Biography. Vol. 54. Nº 4. Páxinas 301-332. HSP, Filadelfia.
• (1934). "Indian Silver Ornaments". En The Pennsylvania Magazine of History and Biography. Vol. 58. Nº 2. Páxinas 97-126. HSP, Filadelfia.

• (1943). "Indian Trade Silver Ornaments Made by Joseph Richardson, Jr.". En The Pennsylvania Magazine of History and Biography. Vol. 67. Nº 1. Páxinas 83-91. HSP, Filadelfia.

• Nichols, R. F. (1954). "In Memoriam Harrold Edgar Gillingham 1864-1954". En Pennsylvania Magazine of History and Biography. Historical Society of Pennsylvania, Filadelfia. Vol.78. Nº 3. Xullo. Páxina 369.