Estación do Oural


O Oural
SituaciónSarria

O Oural é un apeadoiro de Adif, situado no Oural, no concello de Sarria, provincia de Lugo. Actualmente non presta servizos de pasaxeiros.

Situación ferroviaria

A estación atópase no punto quilométrico 386,5 da liña férrea de ancho ibérico que une León e A Coruña[1], entre as estacións de Rubián e de Sarria. O tramo é de vía única e está sen electrificar.

Historia

A estación foi aberta ao tráfico o 12 de xullo de 1882 coa posta en marcha do tramo Sarria-Oural da liña que pretendía unir Palencia coa Coruña por parte do Estado.[2]

Dende 2002 non ten servizos de pasaxeiros.[3]

A estación

O edificio para viaxeiros é de base rectangular e unha altura. A estación dispón de cinco vías e dúas plataformas, unha lateral e outra central entre as dúas vías máis próximas ao edificio. Os cambios de plataforma realízanse a nivel.

Notas

  1. ↑ Rede ferroviaria española Arquivado 23 de setembro de 2010 en Wayback Machine. Ministerio de Fomento.
  2. ↑ Cronoloxía básica do ferrocarril español de vía ancha Arquivado 14 de outubro de 2013 en Wayback Machine. Fundación de los Ferrocarriles Españoles
  3. ↑ Os trens rexionais de Renfe non paran en cinco estacións aínda que haxa pasaxeiros

Véxase tamén

Ligazóns externas