Ghebré-Meskel, rei de Axum, en Nubia, organiza unha expedición contre a Meca, reforzada con numerosos elefantes como cabalaría pesada. Porén o seu exército acaba decimado por unha epidemia de varíola, acabando por ser expulsados da Península arábiga.
Logo de tres anos de asedio, Pavia é ocupada polos longobardos, que invadiran, ao mando do seu rei Alboíno, todo o Norte de Italia. A toma da capital de Teodorico, rei ostrogodo, dálle aos longobardos unha nova lexitimidade. Porén o asainato de Alboíno, e logo o do seu sucesor, Clef (575), deixará ao lombardos sen xefatura durante case dez anos.
Sixeberto I, rei de Austrasia, apodérase do reino de Neustria, gobernado polo seu irmán, Khilperico I, tras incumprir este dun pacto asinado con anterioridade por ambos.
Porén o asasinato de Sixeberto, deixa libre Neustria.
Khildeberto II é o sucesor de Sixeberto. Menor, apenas ten 5 anos de idade, o trono é disputado entre a súa nai, Brunequilda, e a nobreza.
