Bessie Smith

(1936)
Biografía
Nacemento	15 de abril de 1894 Chattanooga, Estados Unidos de América
Morte	26 de setembro de 1937 (43 anos) Clarksdale, Estados Unidos de América (en)
Causa da morte	morte accidental, accidente de tráfico
Lugar de sepultura	Mount Lawn Cemetery (en)
Grupo étnico	Afroamericano
Actividade
Ocupación	artista urbana, bailarina, cantante, música, mimo
Período de actividade	1912 - 1937
Xénero artístico	Blues e Jazz
Instrumento	Voz
Selo discográfico	Columbia Records
Premios
(1989)  Grammy á carreira artística (1989)  Salón da Fama do Rock (1984)  National Women's Hall of Fame
Descrito pola fonte	Obálky knih, Notable Black American Women Biographical Dictionary of Afro-American and African Musicians

Elizabeth "Bessie" Smith, nada en Chattanooga (Tennessee) o 15 de abril de 1894 e finada en Clarksdale (Mississippi) o 26 de setembro de 1937, foi unha cantante estadounidense de blues urbano, famosa nas décadas de 1920 1930^[1]. Era coñecida como a Emperatriz do blues.

O primeiro emprego de Smith foi de bailarina na compañía Moses Stokes nun espectáculo no que tamén traballaba Ma Rainey, quen non lle ensinou a cantar, pero que probablemente lle axudou a desenvolverse nos seus comezos. En 1912, o seu irmán Clarence conseguiulle o seu primeiro contrato como profesional.

Smith comezou a desenvolver o seu propio espectáculo ao redor de 1913, no teatro "81" de Atlanta. En 1917 foi descuberta nun club de Selma (Alabama) por Frank Walker (da discográfica Columbia) e en 1920 conseguira gañar unha reputación no sur e ao longo de todo o litoral leste dos Estados Unidos.

En 1923, cando o blues comeza a vender discos, asinou coa Columbia Records, e rapidamente trazou a liña da Theater Owners Bookers Association. A súa primeira gravación foi "DownHearted Blues", gravada en Nova York en febreiro de 1923, unha canción escrita e rexistrada previamente por Alberta Hunter. Ese mesmo ano grava tamén Jailhouse Blues, disco que, en certo sentido, "sinala a aparición do blues clásico".^[2]

Traballando duramente no teatro durante os meses de inverno e viaxando o resto do ano (tiña o seu propio vagón de ferrocarril), Smith chegou a ser a actriz negra mellor paga do seu tempo. Realizou gravacións xunto aos artistas máis importantes do momento, como Louis Armstrong, James P. Johnson, Joe Smith, ou Fletcher Henderson.

Con Louis Armstrong gravou o tema "St. Louis Blues", que "constitúe o epítome do blues clásico e destaca polo extraordinario equilibrio existente entre a interpretación vocal e o só de corneta".^[2]

De carácter forte, levou unha vida tormentosa e dilapidou a súa fortuna en homes, mulleres e xenebra. As súas cancións reflectían ese estilo de vida e esa muller que perdeu o contrato da súa vida porque tiña que cuspir e que botou os membros do Ku Klux Klan que viñan boicotear un concerto seu. Morreu dun accidente de tráfico, segundo a lenda porque non a aceptaron nun hospital para brancos.

Nos Estados Unidos non existiu ningunha lista de éxitos discográficos a nivel nacional até 1936. A listaxe que aquí se presenta compilouna con posterioridade o historiador da música Joel Whitburn.

• Bessie Smith Album (1938)
• Empress of the Blues (1940)
• Empress of the Blues, Vol. II (1947)
• The Bessie Smith Story, in 4 Volumes (1951)