PROFILPELAJAR.COM

AtlasGlobal
AtlasGlobal
Fundación	14 de marzo de 2001
Inicio das operacións	1 de xuño de 2001
Aeroporto principal	Istanbul-Atatürk
Plan de voo frecuente	Atlasmiles
Subsidiarias	AtlasGlobal Ukraine
Frota	24
Destinos	58
Holding	ETS Group
Eslogan da compañía	A World Beyond Dreams
Sede	Istanbul, Turquía
	Páxina web: https://www.atlasglb.com/

AtlasGlobal, chamada Atlasjet ata o 31 de marzo de 2015,^[1] é unha aeroliña turca con sede en Istanbul,^[2] que opera voos domçesticos regulares e servizos internacionais de pasaxeiros ademais de voos chárter, a meirande parte deles dende a súa base no aeroporto de Istanbul-Atatürk.

Historia

A aeroliña creouse o 14 de marzo de 2001 e iniciou as súas operacións o 1 de xuño do mesmo ano. Naceu co nome Atlasjet International Airlines e fundouse como subsidiaria de Öger Holdings. No ano 2004 o ETS Group mercou o 45% das accións, e chegou a controlar o 90% en febreiro de 2006 tras facerse co control do 45% que tiña Öger Holdings.

En agosto de 2012 AtlasGlobal Airlines contratou a Ryan International Airlines, unha aeroliña chárter estadounidense, para operar voos de peregrinación relixiosa a cidades como Medina e Tel Aviv. En xaneiro de 2013 AtlasGlobal non cumpríu cos pagamentos a Ryan International, o que levou ao final da cooperación sen previo aviso. Ryan International Airlines, que xa se atopaba nun proceso de reorganización por bancarrota, non foi capaz de recuperarse das perdas e enfrontouse a dificultades económicas que levaron á súa liquidación.^[3]^[4]

Atlasjet anunciou que pasaría a chamarse AtlasGlobal o 1 de abril de 2015.^[1]

Frota

En xaneiro de 2018 a frota de AtlasGlobal estaba formada polos seguintes avións:^[5]

**Frota de AtlasGlobal**
Avión	En servizo	Pedidos	Pasaxeiros			Notas
Avión	En servizo	Pedidos	C	Y	Total	Notas
Airbus A319-100	1	—	8	126	134
Airbus A320-200	5	—	8	156	164
Airbus A321-100	2	—	8	192	200
Airbus A321-200	14	—	12 —	192 216	204 216
Boeing 737-800	1	—	8	156	164
Total	23	—