Anseranas semipalmata é unha especie de ave anseriforme, a única incluída hoxe na familia dos anseranátidos e no seu único xénero, Anseranas.

A familia foi descrita en 1880 polo avogado e zoólogo británico especializado en ornitoloxía Philip Sclater.^[2]

O xénero decribírao en 1828 o cirurxián, botánico, ornitólogo e naturalista francés René Primevère Lesson.^[3]

Ademais deste único xénero actualmente vivente, rexisatráronse tamén dous xéneros fósiles:^[3]

• † Anatalavis Olson & Parris, 1987
• † Anserpica Mourer-Chauviré, Berthet & Hugueney, 2004

A especie fora descrita en 1798 polo médico e naturalista especializado en ornitoloxía inglés John Latham.^[3]

O nome científico Anseranatidae está formado, segundo a norma, pola adición raíz do xenitivo do seu xénero tipo, Anseranas (Anaseranat-) o sufixo do latín científico -idae, propio dos nomes das familias de animais.^[4]

En canto Anseranas está formado pola unión dos xéneros Anser e Anas, indicando que son aves de aparencia intermedia entre os gansos e os patos.^[4]

O epíteto específico, semipalmatus, indica que a membrana interdixital que une os tres dedos dianteiros dos pés é moi reducida, unha excepción entre os anátidos.

Esta familia situouse na orde dos anseriformes, tendo en conta a estrutura característica do bico, pero considérase distinta das outras familias deste taxon. As familias relacionadas e existentes, anímidos e anátidos, conteñen todos os demais taxons.^[5]

Ademais de polo seu nome actualmente vádido, o xénero coñeceuse tamén polos sinónimos:^[3]

• Anseranus G. R. Gray, 1840
• Chenogeranus T. Brown, 1842
• Choristopus Eyton, 1838

A especie tamén foi coñecida como:^[3]

• Anas melanoleuca Latham, 1801
• Anas semipalmata Latham, 1798 (protónimo)
• Anseranas semipalmatus
• Anseranas semipalmata hamiltoni Mathews, 1912
• Chenogeranus australis T. Brown, 1842

Anseranas semipalmata é un endemismo do norte de Australia e do sur de Papúa Nova Guinea.^[6]. É especialmente abundante no Parque Nacional de Kakadu, no Territorio Norte de Australia. Como a especie é propensa a vagar, especialmente cando non se reproduce, ás veces rexístrase fóra do seu lugar habitual.^[6]

A especie tamén estivo moi estendida no sur de Australia, pero desapareceu de alí en gran parte debido á drenaxe das zonas húmidas onde antes criaban estas aves. Debido á súa importancia para os aborixes como fonte de alimento,^[7] e posteriormente como suxeitos de caza deportiva,^[8] e como atracción turística, a súa presenza estábel no norte de Australia foi garantida garzas a que alí foi protexida.^[9]

Son aves inconfundíbeis coa súa plumaxe branca e negra e o co bico e as súas patas amareladas. Os pés só están parcialmente palmados. Os machos son máis grandes que as femias. A diferenza dos verdadeiros gansos, a súa muda é gradual, polo que non se producen períodos sen voar.

Aliméntase de materia vexetal, tanto na auga como en terra.

Aniñan nas árbores.

A Unión Internacional para a Conservación da Natureza e dos Recursos Naturais, considerando que esta especie ten unha área de distribución moi grande moi grande e que, polo tanto, non se aproxima aos limiares de vulnerábel baixo o criterio de tamaño da área de distribución, que a tendencia da poboación parece ser flutuante e o seu tamaño é moi grande, polo que non se aproxima aos limiares de vulnerábel segundo o criterio de tamaño da poboación, cualifica o seu status LC (pouco preocupante).^[1]

Wikimedia Commons ten máis contidos multimedia na categoría:  Anseranátidos

Wikispecies posúe unha páxina sobre:  Anseranátidos

• del Hoyo, Josep, Andrew Elliott, Jordi Sargatal, eds. (1992): Handbook of the Birds of the World. Volume 1. Ostrich to Ducks. Barcelona: Lynx Edicions ISBN 978-84-8733-410-8.

• Anseriformes

• Anseranas semipalmata na ADW.
• Anseranas semipalmata (Latham 1798) na EOL.