PROFILPELAJAR.COM

Amadeo de Souza-Cardoso
	;
Biografía
Nacemento	14 de novembro de 1887 ; Mancelos, Portugal (pt)
Morte	25 de outubro de 1918 (30 anos); Espinho, Portugal
Causa da morte	gripe de 1918; gripe
Actividade
Campo de traballo	Pintura e debuxo
Lugar de traballo	Portugal
Ocupación	caricaturista, pintor
Período de actividade	1907 - 1918
Movemento	Modernismo, Impresionismo, Expresionismo, Cubismo, Futurismo e Posmodernismo
Descrito pola fonte	Obálky knih,

Amadeo de Souza-Cardoso, nado en Amarante o 14 de novembro de 1887 e finado en Espinho o 25 de outubro de 1918, foi un pintor portugués, precursor da arte moderna, proseguindo o camiño trazado polos artistas de vangarda da súa época.

Traxectoria

Nado no seo dunha familia rica, esta influíuno no seu ingreso no curso de Dereito na Universidade de Coímbra, cambiando ao pouco tempo Dereito por Arquitectura na Academia de Belas Artes de Lisboa en 1905. O curso non satisfixo o seu xenio creativo, decidindo entón marchar a París en 1906 para instalarse no arrabalde de Montparnasse coa intención de seguir aló os seus estudos. As súas primeiras experiencias artísticas coñecidas foron deseños e caricaturas, despois adicouse á pintura. Pódese dicir que foi un pintor impresionista, expresionista, cubista, futurista mais sempre se negou a ser etiquetado como pintor dun determinado estilo. Malia as múltiples influencias das que foi influído, sempre procurou desenvolver unha creatividade e orixinalidade de seu nas súas obras. En 1908 instalouse no número catorce da Cité de Falguière. Alí frecuentou talleres preparatorios para a Academia de Beaux-Arts e a Academia Viti do pintor catalán Anglada Camarasa mais, a pesar diso, non chegou a ser admitido. En 1910 pasou algúns meses na cidade de Bruxelas e en 1911 expuxo algúns dos seus traballos no Salon des Indépendants, en París, achegándose paseniñamente ás vangardas e a artistas como Amedeo Modigliani, Constantin Brancusi, Alexander Archipenko, Juan Gris e Robert Delaunay. En 1912 publicou un álbum con vinte deseños e copiou o conto de Gustave Flaubert, "La Légende de Saint Julien l'Hospitalier", traballos ignorados polos expertos en arte.

Despois de participar en 1913 nunha exposición con oito traballos nos Estados Unidos, no Armory Show, volveu a Portugal, onde tivo a ousadía de realizar dúas exposicións no Porto e Lisboa. Nese ano participou tamén no Herbstsalon da Galería Der Sturm, en Berlín. En 1914 viaxou a Barcelona onde se atopou con Antoni Gaudí, partindo posteriormente cara Madrid onde foi sorprendido polo comezo da primeira guerra mundial. Regresou entón a Portugal, onde iniciou unha meteórica carreira na experimentación de novas formas de expresión, tendo pintado con gran constancia ata o punto de expor en 1916 na vila do Porto 114 obras co título "Abstraccionismo", que serían tamén expostas en Lisboa.

O cubismo en expansión por toda Europa foi unha das maiores influencias no seu cubismo analítico.

Amadeo de Souza-Cardoso explorou o expresionismo e nos seus derradeiros traballos experimentou novas formas e técnicas, como as colaxes e outras formas de expresión plástica.

O 25 de outubro de 1918, aos 31 anos de idade, morreu prematuramente en Espinho, vítima da gripe.

En 1925, Francia realizou unha retrospectiva do pintor, cunha mostra de 150 dos seus traballos. Dez anos despois, en Portugal, creouse un premio para distinguires aos pintores modernistas, que recibiu o nome de "Prémio Souza-Cardoso".

Galería de imaxes

Saut du Lapin, 1911
Cabeça, 1913
Entrada, 1917
Pintura, 1917

Obras

Véxase tamén

Bibliografía

Art Portugais - Peinture et Sculpture du Naturalisme à nos jours - Lisbonne 1967/Paris 1968 - Centre Culturel de la Fondation Calouste Gulbenkian. [1]