Alfredo González-Ruibal

Modelo:BiografíaAlfredo González-Ruibal
Biografía
Nacemento1976 Editar o valor en Wikidata (48/49 anos)
Madrid, España Editar o valor en Wikidata
EducaciónUniversidade Complutense de Madrid Editar o valor en Wikidata
Director de teseGonzalo Ruiz Zapatero (en) Traducir Editar o valor en Wikidata
Actividade
Campo de traballoArqueoloxía Editar o valor en Wikidata
Ocupaciónarqueólogo, prehistoriador Editar o valor en Wikidata
EmpregadorConsello Superior de Investigacións Científicas (2009–)
Instituto de Ciencias do Patrimonio Editar o valor en Wikidata
Premios
BNE: XX5063539 BUSC: gonzalez-ruibal-alfredo


Alfredo González-Ruibal, nado en Madrid en 1976, é un arqueólogo e etnoarqueólogo galego especializado en investigación da arqueoloxía do pasado contemporáneo.[1] É investigador no Instituto de Ciencias do Patrimonio de Santiago de Compostela.[2]

Traxectoria

Criouse na Galiza[3] porque seus pais (Constantino González de Forcarei[4] e Milagrosa Ruibal) foron profesores de instituto en Pontevedra, onde el estudou secundaria.

Licenciouse en Historia pola Universidade Complutense de Madrid en 1999,[5] e en 2003 doutorouse en Arqueoloxía Prehistórica na mesma universidade coa tese Desarrollo de las comunidades protohistóricas del noroeste de Iberia, dirixida por Gonzalo Ruiz Zapatero.[6] Foi Premio Extraordinario de licenciatura e de doutoramento.[5] En 2004 foi profesor asociado da American University Abroad de Madrid.[5] Tamén ese mesmo ano foi bolseiro no Laboratorio de Arqueoloxía e Formas Culturais da Universidade de Santiago de Compostela.[5]

De marzo de 2005 a setembro de 2006 González-Ruibal foi bolseiro postdoctoral MEC/Fulbright no Archaeology Center da Universidade de Stanford en Stanford, California, Estados Unidos.[5]

En 2005 creou, xunto a Christopher Witmore e Timothy Webmoor, o sitio web colaborativo sobre arqueoloxía Archaeolog.org.[7]

Tras regresar a España, de outubro de 2006 a setembro de 2009 foi profesor axudante no Departamento de Prehistoria da Universidade Complutense de Madrid.[5] [8]

Desde 2009 traballa no Instituto de Ciencias do Patrimonio do Consello Superior de Investigacións Científicas (CSIC) de Santiago de Compostela.[9] Realizou traballo de campo en Italia, Brasil, Sudán, Guinea Ecuatorial, Etiopía, Somalia, India e Yibuti.[10]

As súas investigacións céntranse na arqueoloxía e a prehistoria, historia antiga, medieval, moderna e contemporánea, especialmente en investigacións sobre conflitos bélicos, o capitalismo, o colonialismo, comunidades que resisten a modernidade, enxeñaría aeronáutica e a ditadura. Realizou traballos de campo relacionados con estes temas en España, especialmente na coordinación do traballo arqueolóxico na Guerra Civil e os primeiros anos da ditadura de Franco. Entre 2001 e 2010 estudou o período fascista no oeste de Etiopía e o colonialismo en Guinea Ecuatorial a través dos seus restos arqueolóxicos.[11]

É coeditor da revista Journal of Contemporary Archeology, especializada en arqueoloxía dos séculos XX e XXI.[5] É membro do consello editorial de Monographies in Mediterranean Archaeology e Complutum (revista Scopus); membro do consello asesor da Revista Chilena de Antropoloxía, Menga de la Revista Andaluza de Prehistoria e de Culture & History Dixital Journal do CSIC.[5] Tamén é divulgador sobre historia e arqueoloxía a través da súa canle de X (antes Twitter) @GuerraenlaUni.

Controversias

En 2007, tras publicar en Internet unha foto dun alcalde franquista cuxos familiares entenderon que o estaban acusando de ser un asasino, estes presentaron unha querela contra el, pero a xuíza desestimouna ao entender que exercía a súa liberdade de expresión e que non houbo inxurias.[12]

De familia franquista, propuxo reformar o Valle de los Caídos para que xere incomodidade como testemuño da ditadura; foi expulsado de alí en 2017 por retirar unhas flores da tumba de Franco que foran depositadas no que el consideraba un xesto político contrario á Lei de Memoria Histórica.[13] [14]

As súas escavacións en Jadraque, subvencionadas polo Goberno de España, foron criticadas e vinculadas ao activismo de esquerdas; Defende que alí existía un campo de concentración documentado, que o seu traballo é rigoroso e que os fondos só cobren gastos e non hai beneficios económicos.[15]

Obras

  • La experiencia del Otro: una introducción a la etnoarqueología (2003). Ediciones Akal.
  • Galaicos: poder y comunidad en el noroeste de la península ibérica (2007). Museo Arqueolóxico Provincial de La Coruña.
  • Reclaiming Archaeology: Beyond the Tropes of Modernity (2013). Routledge
  • An Archaeology of Resistance: Materiality and Time in an African Borderland (2014). Rowman & Littlefield Publishers.
  • Ethics and the Archaeology of Violence (2015). Springer.
  • Volver a las trincheras: Una arqueología de la Guerra Civil Española (2016). Alianza Editorial.
  • An Archaeology of the Contemporary Era (2018). Routledge.
  • Arqueología: Una introducción al estudio de la materialidad del pasado (2018). Alianza Editorial. Con Xurxo Ayán.
  • Tierra arrasada. Un viaje por la violencia del paleolítico al siglo XXI (2023). Crítica

Artigos en revista e capítulos de libros

  • González Ruibal, A. (2007). Making things public: archaeologies of the Spanish Civil War (1936-39). Public Archaeology 6(4): 259-282.
  • González Ruibal, A. (2008). Time to Destroy. An archaeology of Supermodernity. Current Anthropology 48(2): 247-279.
  • González Ruibal, A. y Hernando Gonzalo, A. (2010). Genealogies of destruction: an archaeology of the contemporary past in the Amazon forest. Archaeologies 6(1): 5-28.
  • González Ruibal, A., Sahle, Y. and Ayán, X. (2011). A social archaeology of colonial war in Ethiopia. World Archaeology 43(2): 40-65.
  • González-Ruibal, A., Hernando, A. and Politis, G. (2011). Ontology of the self and material culture: Arrow-making among the Awá hunter-gatherers (Brazil). Journal of Anthropological Archaeology 30(1):1-16.
  • González Ruibal, A. (2012). From the battlefield to the labour camp. Archaeology of civil war and dictatorship in Spain. Antiquity 86(332): 456–473.
  • González Ruibal, A. (2012). Archaeology and the study of material culture: synergies with cultural psychology. En J. Vaalsiner (ed.): Oxford Handbook of Cultural Psychology. Nueva York: Oxford University Press, 132-162.
  • González Ruibal, A. (2014). Archaeological Revolution(s). Current Swedish Archaeology 22: 41-45.

Premios e recoñecementos

  • Premio Nacional de Ensaio 2024, por Tierra arrasada: un viaje por la violencia del Paleolítico al siglo XXI.[16] O xurado destacou “a apaixonante e nova forma de presentar os conflitos armados desde a experiencia e o punto de vista da arqueoloxía de campo. Na precisión do narrado, subxace a experiencia directa do autor en diferentes xacementos, o que fai posible oír as voces habitualmente silenciadas no relato frío e convencional das guerras, elevando a categoría da arqueoloxía de ciencia a ética”.[17]

Notas

  1. ↑ "Alfredo González-Ruibal Independent Researcher - Academia.edu". independentresearcher.academia.edu. Consultado o 2024-10-26. 
  2. ↑ "Incipit". www.incipit.csic.es. Consultado o 2024-10-26. 
  3. ↑ "Alfredo González-Ruibal: «É falso que a violencia bélica sexa cada vez máis brutal e máis total»". La Voz de Galicia (en castelán). 2024-10-16. Consultado o 2024-10-26. 
  4. ↑ Calros Solla (15 de outubro de 2016). "Saudade do profesor Constantino González Penas (I)". Faro de Vigo. 
  5. ↑ 5,0 5,1 5,2 5,3 5,4 5,5 5,6 5,7 Facultade de Xeografía e Historia, Universidade de Santiago de Compostela (ed.). "Plan Docente del Máster Universitario Arqueología y Ciencias de la Antigüedad" (PDF). 
  6. ↑ González Ruibal, Alfredo (2003). "Desarrollo de las comunidades protohistóricas del noroeste de iberia" (en castelán). Universidad Complutense de Madrid. 
  7. ↑ "About Archaeolog archaeolog". web.archive.org. 2014-05-13. Archived from the original on 13 de maio de 2014. Consultado o 2024-10-26. 
  8. ↑ "Reclaiming archaeology: beyond the tropes of modernity WorldCat.org". search.worldcat.org (en inglés). Consultado o 2024-10-26. 
  9. ↑ "Incipit · Directorio de Personal". Consultado o 21 de mayo de 2019. 
  10. ↑ Soufi, Daniel (2024-11-04). "Alfredo González Ruibal, premio nacional de ensayo: “Las fosas comunes son testimonio del más profundo fracaso humano”". El País (en castelán). Consultado o 2024-11-04. 
  11. ↑ Ruibal, Alfredo González; Vila, Xurxo M. Ayán (2014). "Cultura material, etnicidad y colonialismo en Etiopía Occidental y Guinea Ecuatorial" (1): 43–61. ISSN 2341-3573. Consultado o 21 de maio de 2019. 
  12. ↑ "La jueza archiva la querella contra el investigador Alfredo González". La Voz de Galicia (en castelán). 2008-07-02. Consultado o 2024-10-26. 
  13. ↑ "“Quién sabe qué lleva en los bolsillos la momia de Franco”". La Vanguardia (en castelán). 2018-09-07. Consultado o 2024-10-26. 
  14. ↑ "Expulsado del Valle de los Caídos por retirar flores de la tumba de Franco". El Español (en castelán). 2017-07-24. Consultado o 2024-10-26. 
  15. ↑ "Denuncian la «farsa» del campo de concentración de Jadraque". La Razón (en castelán). 2022-05-09. Consultado o 2024-10-26. 
  16. ↑ Morales, Manuel (2024-10-15). "El arqueólogo Alfredo González Ruibal gana el Premio Nacional de Ensayo de 2024 con un recorrido por la historia de la violencia". El País (en castelán). Consultado o 2024-10-26. 
  17. ↑ Redacción (2024-10-15). "O arqueólogo galego Alfredo González-Ruibal, Premio Nacional de Ensaio 2024". GCiencia. Consultado o 2024-10-26.