Suezko golkoa (arabieraz: خليج السويس, Khalyj as-Suways) Itsaso Gorriaren adar bat da: Sinai penintsularen eta Afrikaren arteko muga naturala da. Golkoaren erdiko lerroan dago Asia eta Afrika arteko muga.
Geologikoki, urak hartutako haran 'gaztea' da: 40 milioi urte inguru. Egiptoko Suez hirian du puntu goiena. Luzeran 314 km da; zabalera handiena 32 kilometrokoa da; uraren batezbesteko sakonera 12 metrokoa da, eta sakonera handiena, 18 metrokoa. Golkoko kostaldea hidrokarburotan aberatsa da.
