Oharra:Atal honek istorio osoa edo amaiera argitzen du.
Lau pertsona bainu bat hartu ondoren itsasotik ateratzen dira: David (Gunnar Björnstrand) idazlea eta alarguna; haren alaba Karin (Harriet Andersson), denboraldika eskizofrenia gaixoentzako ospitalean egona; Martin (Max von Sydow), Karinen senarra, lanbidez medikua; Minus (Lars Passgård), Karinen anaia den hamazazpi urtetako nerabea.
David eta Martinek sareak itsasoan bota dituzte, aldiz anai-arrebak esne bila irten dira. Afarian Davidek laster Suitzara itzuliko dela iragarri die, lehenagotik bertatik etorria zen. Anai-arrebek Minusek idatzitako antzezlan bat antzeztuko dute, gaitzat maitasuna sentitzeko modu bakarra maitasunaz idazten duenaren idazlea du. Egunsentian, David gela batean bere azken eleberria errepasatzen ari da. Karin esnatua dago. Ganberan desagertutako bere munduan dago. Gero aitaren logelan lo egingo du. David eta Minusek sareak ateratzean, Karin esnatu eta aitaren egutegian alabak duen gaixotasuna sendagaitzat duela irakurriko du. David eta Martin gai jakin batengatik uhartetik joango dira. Karinek Martini egutegian irakurritakoa aipatu eta Martinek Davidi sentipen hotzekoa izatea leporatuko dio. Davidek era berean Suitzan bere buruaz beste egiten saiatu zela azalduko dio. Karinek Minusi bere bi munduei buruz hitz egingo dio. Ondoren Minusek Karin hondartzan lehorreratua dagoen txalupa zahar batean topatuko du. David eta Martin uhartera itzultzean, Minusek Karinen nahasmen egoera azalduko die. Martinek helikoptero bat bertaratzea eskatuko du. Ekipajea egingo dute. Karin berriz ere desagertu eta ganberara igoko da. Han, margotutako paperaren atzean dagoen munduari mintzatuko zaio. Lasaigarridun txertoa ipiniko diote eta Karinek bera ikustera etorri den armiarma bati buruz mintzatuko da: "Jainkoa ikusi dut". Karin helikopteroz uhartetik eramango dute. David eta Minus uhartean bakarrik geldituko dira. Jainkoaren maitasunaz solastuko dira. Minusek honakoa dio: "Aitak nirekin hitz egin du".
