Richard Oribe
Irudi gehiago
Bizitza
Jaiotzako izen-deiturak	Richard Oribe Lumbreras
Jaiotza	Donostia, 1974ko otsailaren 22a (50 urte)
Herrialdea	Gipuzkoa, Euskal Herria
Hezkuntza
Hizkuntzak	gaztelania
Jarduerak
Jarduerak	igerilaria
Parte-hartzailea 2012ko Udako Paralinpiar Jokoak 2008ko Udako Paralinpiar Jokoak 2004ko Udako Paralinpiar Jokoak 2000ko Udako Paralinpiar Jokoak 1996ko Udako Paralinpiar Jokoak 1992ko Udako Paralinpiar Jokoak
Jasotako sariak	ikusi Lan Onari  (2012) kirol merezimenduzko errege ordenako urrezko domina Urrezko Danborra Donostiako Hiritar Merezimenduaren Domina
richardoribe.com

Richard Oribe Lumbreras (Donostia, Gipuzkoa, 1974ko otsailaren 22a) igerilari paralinpiko euskalduna da. Oso gazte hasi zen igeriketan, jaiotzatik duen buru elbarritasuna tratatzeko asmoz, eta Donostian Aspacek duen Dordoka taldearekin hasi zen lehiaketetan parte hartzen. 1998/1999 denboraldiaz geroztik Donostiako Konporta Kirol Elkarteko kidea da, eta Javier de Aymerich zuzendari teknikoarekin entrenatzen du.

Oribek kirol lorpenen zerrenda handia du. Atlantako Paralinpiar Jokoetan (1996), urrezko hiru domina eta munduko bi errekor erdietsi zituen, eta 50, 100 eta 200 metroko crawl estiloko proban eta 4 x 50 crawl estiloko proban zilarrezko dominak lortu zituen. Espainiako txapelketetan 100 domina baino gehiago irabazi ditu. 1997. urteko Europako txapelketan urrezko bi domina eta zilarrezko bat irabazi zituen. 1999. urtekoan, berriz, lau urrezko domina irabazi zituen, eta 2004. urteko Atenasko Paralinpiar Jokoetan urrezko, zilarrezko eta brontzezko bana. 2006ko Europako Txapelketan, berriz, hiru urrezko domina lortu zituen.

Joko paralinpikoetan guztira 16 domina jaso ditu: 8 urre, 6 zilar eta 2 brontze. Munduko txapelketan 22 domina lortu ditu: 12 urre, 7 zilar eta 3 brontze. Nazioarteko lehiaketetan 135 domina lortu ditu. Estilo libreko 50, 100, 200 y 400 metroko probetan mundu mailako markak hautsi ditu 48 aldiz.^[1]

Txapelketa	Egoitza	Urtea	Emaitzak
Paralinpiar Jokoak	Londres	2012	2
Paralinpiar Jokoak	Beijing	2008	4
Munduko Txapelketa	Durban	2006	4
Europako Txapelketa	Berlin	2006	3
Europako Txapelketa	Berlin	2005	4
Paralinpiar Jokoak	Atenas	2004	3
Munduko Txapelketa	Mar del Plata	2002	4
Europako Txapelketa	Stockholm	2001	4
Paralinpiar Jokoak	Sydney	2000	4
Europako Txapelketa	Alemania	1999	5
Munduko Txapelketa	Zeelanda Berria	1998	5
Europako Txapelketa	Badajoz	1997	5
Paralinpiar Jokoak	Atlanta	1996	4
Europako Txapelketa	Perpignan	1995	4
Paralinpiar Jokoak	Bartzelona	1992	-

• 1996. urtean, Gipuzkoako Prentsa Elkarteak Kirolari hoberenari saria eman zion Richard Oriberi.
• 2007an Donostiako Udalak Hiritar Merituari ematen duen domina eskaini zion.
• 2008ko Kirolari Onenaren Euskadi Saria jaso zuen, Leire Olaberria txirrindulariarekin batera.
• 2009an, kirol merezimenduzko domina jaso zuen Espainiako erregeak emanda.
• 2011n Lausanan, Suitzan, "Jolas Garbiko ibilbidearen" saria eman zioten.
• 2011n Euskal Kirolariaren Saria eman zion Ramon Rubial Fundazioak eman zion
• 2018ko Urrezko Danborra eman zion Donostiako udalak, 66153 hiritar donostiarrek emandako botoei esker.^{[2][3][4][5][6]}
• Gainera, euskal kirolari hoberena edo gipuzkoakoa izateagatik hainbat sari eta omenaldi jaso izan ditu.

• Webgune ofiziala (Gaztelaniaz)