Rafer Lewis Johnson (Hillsboro, Texas, 1935ko abuztuaren 18a - Sherman Oaks, Los Angeles, Kalifornia, 2020ko abenduaren 2a) dekatloian espezializatutako estatubatuar atleta izan zen.
1955eko Panamerikar Jokoetan urrezko domina irabazi zuen, eta Mathiasen munduko errekorra hautsi zuen gainera; hala, 7.985 puntu lortu zituen. 1956an, Melbourneko Olinpiar Jokoetan parte hartu zuen, baina min hartu zuen, eta bigarren postuan gelditu zen. Orduko kalteak zirela eta, ezin izan zuen bi urtez lehiaketetan parte hartu. 1960an, Erromako Olinpiar Jokoetan, historiako finalik zirraragarrienetakoa bizi izan zen: Yang Chuan-Kwang taiwandarra eta Vassili Kuznetsov sobietarra izan zituen lehiakide. Chuang hamar probatik zazpitan izan zen garaile, baina, hala ere, Johnsonek irabazi zuen lehia, 8.392 punturekin, eta errekor olinpiko berria ezarri zuen. Hurrengo urtean, lehiaketatik erretiratu zen. Ondoren, kiroletarako jantziak eta tresnak egiten dituen enpresa batean lan egin zuen aholkulari gisa. Horretaz gainera, ongintzazko erakunde batean parte hartu zuen, eta kirol-lehiaketak antolatu zituen ezinduentzat. 1984an, Los Angeleseko Olinpiar Jokoetan, berak piztu zuen Koliseoko olinpiar sua.
Lortutako sari nagusiak
Erreferentziak
Kanpo estekak
