Pedro Kastrejana
Bizitza
Jaiotza	Loiu, ?
Herrialdea	Bizkaia, Euskal Herria
Hezkuntza
Hizkuntzak	euskara gaztelania
Jarduerak
Jarduerak	bertsolaria

Pedro Kastrejana (Loiu, ?-?) bizkaitar bertsolaria izan zen.

Larrauri baserrian jaioa eta Kareane baserrira ezkondua (Mari Cruz Bolunburu Kareagarekin). Gerra aurreko bertsolaria zen,^[1] etorri handikoa, izan ere, bertsolari familia batekoa zen. Haren aita Erramon Kastrejana eta anaia Hipolito ere bertsolariak izan ziren.

Balendin Enbeita “Urretxindorra” bertsolari handiaren garaikoa zen. Besteak beste, harekin kantatu zuen 1958ko Bizkaiko Bertsolari Txapelketako finalean^[2] eta, “Urretxindorrak” berak dionez, baita 1929 inguruan Mungiako txapelketa baten ere.

• Bat-bateko sariketak: Mungiako saria 1930^[3]
• Bizkaiko Bertsolari Txapelketa 1958 : finala Bilboko Areatzan. (Orduko egunkarien arabera, 12-14 mila ikusleren aurrean abestu zuten)
• Bizkaiko Bertsolari Txapelketa 1962 : kanporaketa
• Bizkaiko Bertsolari Txapelketa 1964 : kanporaketa (Uztailaren 19an, Mungian)