Edmundo I.a Ingalaterrakoa, Edmundo I.a Bikaina izenaz ere ezaguna (921 – 946ko maiatzaren 26a) Eduardo I.a Zaharra Wessex-eko erregearen eta bere emazte Ecgwynnen lau seme-alabetatik zaharrena zen.
Æthelstan erregea, anaitzakoa zuena, hil zenean, haren lekua hartu zuen tronuan, eta Kingston upon Thamesen koroatu zuten errege, 939ko azaroan.
940an, Elgivarekin —gero kanonizatua izango zena— ezkondu zen, eta hiru seme-alaba izan zituzten.
944an, Edmundok Northumbria konkistatzea lortu zuen.
945ean, Edmundok Strathclyde Erresuma konkistatu zuen, baina lurraldearekiko eskubideak Malcolm I.a Eskoziakoari eman zizkion. Horren ordez, elkarri laguntza emateko hitzarmen bat sinatu zuten. Edmundoren errealdian, gainera, monasterio katolikoen berpiztea hasi zen, eta Elizari bultzada handia eman zitzaion erresuma ingelesetan.
946an asasinatu zuten, Dorseteko Pucklechurch herrian, 25 urte zituela. Glastonburyko abade-etxean hilobiratu zuten.
