Bizimeta
Datu orokorrak
Garraio mota	Bizikleta
Eskualdeak	Uribe Kosta
Leloa	Zaindu zaitez, zaindu gaitzazu
Geltokiak	18
Bidaiariak	5.387 (2013)[1]
Jabea	Uribe Kostako Mankomunitatea
Egoitza	Gatzarriñe, 4; 48600 Sopela (Bizkaia)
Webgunea	http://www.bizimeta.com
Ustiapena
Hasiera	2009ko uztailaren 30a
Amaiera	2019ko abenduaren 31
Ibilgailuak	110

Bizimeta Uribe Kostako hiri-arteko bizikletak mailegatzeko zerbitzu publikoa zen. Uribe Kostako Zerbitzu Mankomunitateak eta Koopera kooperatiba taldeko Rezikleta erakundeek martxan jarri zuten 2009ko uztailaren 30ean, eta geroztik 32.000 bidaia baino gehiago egin dituzte erabiltzaileek.

Bizkaiko lehenengo hiri-arteko bizikleta mailegu zerbitzua izan zen, eta 110 bizikleta eskaintzen zituen18 puntu ezberdinetan, ohikoak zein elektrikoak.

2019ko azaroaren 27an zerbitzua bertan behera uztea erabaki zuen Uribe-Kostako Mankomunitateak, eta hala, 2020ko urtarrilaren 1etik aurrera desagertu egin zen.^[2] Arrazoitu zutenez, zerbitzuaren erabilera asko jaitsi zen azken urteetan, baina jasangarritasun politika berriak martxan jarriko zituztela agertu zuten. Erabaki honek kritika ugari sortu zituen, baita mankomunitate barruko oposizioko alderdienak ere.^[3]

• Eskola, Goierri errepidea.
• Kultur etxea, Udaletxeko errepidea, 2.

• Axgane, Simon Otxandategi etorbidea, 128. Bizkaibusen geltoki parean.
• Berango, Sabino Arana kalea, 21-25. Berangoko geltokiaren ondoan.

• Hondartzako Sorosleak, Astondo pasealekua.
• Turismo bulegoa, Errementari bidea.
• Uresarantze, Landabarri estrata, 3.

• Armintza, Atalaia kalea.

• Plazatxoa, geltokiko zubiaren muturrean, Plentziako geltokitik hurbil.
• Ondarreta, Ondarreta pasealekua.

• Urgitxieta, Urgitxieta plaza. Larrabasterrako geltokiaren ondoan.
• Polikiroldegia, Etxebarri kalea, 9.
• Udaletxea, Sabino Arana kalea, 1.
• Kurtzio Kulturetxea, Mendieta kalea, 10.
• Arriatera hondartza, Arriatera etorbidea, 113.
• Atxabiribil hondartza, Atxabiribil etorbidea, 71. Aparkalekuaren ondoan.

• Landa, Aita Gotzon kalea, 26. Urdulizko geltokiaren ondoan.
• Udaletxea, Elortza kalea, 1.

Bizimetak ezarritako sistemaren arabera, kontaktu gabeko txartela pasa behar zen bizikleta mailegu puntuko pantailatik, pantailako jarraibideei kasu eginez bizikleta bat esleituko zitzaigularik.

Erabilera arruntean bizikleta hartu eta bi orduz erabil zitekeen, hurrengo tarifekin 2018an:

• Hasierako 60 minutuak: Ohiko bizikleta: 0,15€; Elektrikoa: 0,30€.
• Hurrengo 60 minutuak: Ohiko bizikleta: 0,30€; Elektrikoa: 0,60€.

Bi ordutik gora hurrengo zigorra ezartzen zen orduko:

• Ohiko bizikleta: 2,00€/h; Elektrikoa: 3,00€/h.

Urteko abono-txartela:

• 12,00€/urte.

Erabilera noizbehinkakoa bazen, zerbitzuak irauten zuen egun osoan erabil zitekeen bizikleta, hau da, azarotik martxora goizeko 7:00etatik arratsaldeko 19:00etara; eta apiriletik urrira goizeko 7:00etatik arratsaldeko 21:00etara, eta hurrengo tarifak ezartzen ziren2018an:

• Ohiko bizikleta: 5,00€/egun; Elektrikoa: 6,00€/egun.

Bizimetaren bidaiari kopuruaren bilakaera 2010-2017 (mila bidaiari)

• Uribe Kosta
• Bizikletak mailegatzeko zerbitzu publiko
• Jasangarritasun

• Bizimetaren webgunea
• Uribe Kostako Zerbitzu Mankomunitatearen webgunea
• Kooperaren webgunea