Ontur [onTUR] estas municipio en la Provinco Albaceto, sudoriente de Hispanio, en la regiono Kastilio-Manĉo kaj en la komarko Campos de Hellín en la sudoriento de la provinco, kun areo de 54,38 km². En 2019 estis 1 987 loĝantoj, laŭ informo de la hispana statistika servo INE.
Geografio
Ontur estas en la sudoriento de la provinco Albacete je 71 km de la provinca ĉefurbo Albacete, lime kun la Regiono Murcio kaj je 655 msm.
Historio
Artikitaj pupoj de Ontur.
Estis diversaj teorioj pri la deveno de la loknomo, sed plej el ili sugestas antaŭromiajn radikojn kaj ebla iun latinan.
De la romia epoko plej grava trovitaĵo estis la artikitaj pupoj, nome kvar el eburo kaj unu el sukceno, plej verŝajne de riĉaj infan(in)oj el la 3a al 4a jc. Ili estas ekspoziciitaj en la Arkeologia Muzeo de Albacete.
Ekonomio
La ekonomio de Ontur estis fundamentata sur la agrikulturo, speciale en la kultivo de la vitoj, olivarboj, migdalarboj kaj cerealoj, kaj produktado de vino. Estas ankaŭ fruktoĝardenoj (legomoj) kaj fruktarboj (abrikotoj kaj aliaj).
Estas aerodromo kun la koncernaj instalaĵoj sur 1051 msm je du kilometroj de la urbokerno
.jpg)
.jpg)