Ĝi estas formata de la vilaĝo kaj la kastelo de Moya, aktuale neloĝata, kaj de kvar kvartaloj, domaroj aŭ submunicipoj: nome El Arrabal de Moya, Santo Domingo de Moya –kie nun estas la Urbodomo–, Los Huertos de Moya kaj Pedro Izquierdo de Moya. Ĉe la vilaĝo, sur la sama monteto, troviĝas Arrabal. La ceteraj kvartaloj troviĝas je malmultaj kilometroj de la vilaĝo.
Loĝantoj
La loĝanto nomiĝas moyano. La censita loĝantaro en 2016 estis de 163 loĝantoj.
Estas restaĵoj kiuj pruvis setladon jam en Bronzepoko. Oni ne trovis restaĵojn el araba epoko, sed ja el la epoko de kristana setlado el la komenco de la 13a jarcento. En la 18a jarcento okazis dekadenco. Komence de la 19a jarcento lokanoj insurekciis kontraŭ la francaj trupoj okupaciaj dum la Milito de Hispana Sendependiĝo. Ankaŭ dum la Karlismaj Militoj la loĝantaro suferis damaĝojn.
Post la Hispana Enlanda Milito la loĝantaro falis, tio estis oni perdis loĝantojn pro diversaj tialoj: nome bataloj, prizono, politika persekutado, malsato ktp. Meze de la 20a jarcento la loĝantaro de multaj vilaĝoj de la regiono atingis pinton, kaj ankaŭ ĉe Moya, sed poste okazis elmigrado, senloĝigo kaj maljuniĝo de la loĝantaro, kaj ankaŭ ĉe Moya al la nunaj 163.
Montesinos, J. y Poyato, C. (Eld.): Actas del Primer Simposio de La Cruz de los Tres Reinos. Espacio y tiempo en un territorio de frontera. Simposio Interregional Interuniversitario, celebrado en Ademuz el 25, 26 y 27 de julio de 2008. Eldono de la Universitat de València kaj de la Universidad de Castilla-La Mancha. Cuenca, 2011. ISBN 978-84-8427-773-6.
.svg)
_2.JPG)
3626.jpg)
