9969 Braille

	9969 Braille
	asteroido
	astronomia simbolo vd
asteroido
Oficiala nomo	9969 Braille
Aliaj nomoj	1992 KD
Nomita laŭ	Louis Braille vd
	Malkovro
Malkovrintoj	Eleanor F. Helin kaj ; Kenneth J. Lawrence
Dato de malkovro	27-a de majo 1992
Loko de malkovro	Monto Palomar (Usono)
Unua superflugo	Deep Space 1.28-a de julio 1999
	Orbitaj ecoj
Asteroida familio	Marsrenkonta asteroido vd
Granda duonakso; - Periapsido; - Apoapsido	350,272 Gm (2,341 AU); 198,609 Gm (1,328 AU); 501,935 Gm (3,355 AU)
Discentreco	0,4330
Meza anomaliangulo	351,598°
Klinangulo	28,988°
Periodo	1308,636 tagoj (3,583 jaroj)
Longitudo de; suprenira nodo	241,968°
Argum. de periapsido	356,161°
Terdistanco; - Minimuma	; 46,990 Gm (0,3141 AU)
	Fizikaj ecoj
Dimensioj;	2,1 × 1,0 × 1,0 km;
Rotacia periodo	9,433 tagoj (226,4 horoj)
	Atmosferaj kaj surfacaj ecoj
Geometria albedo	0,34
	Observaj ecoj
Spektroklaso	Q
Absoluta magnitudo	15,6
	v • d • r

9969 Braille estas tre malgranda, hela, kaj malrapide rotacianta marsrenkonta asteroido malkovrita la 27-an de majo 1992 de la usonaj geastronomoj Eleanor Francis Helin kaj Kenneth J. Lawrence elde la Observatorio de la Monto Palomar (Kalifornio, Usono).

Nomo

Ĝi estis nomita en memoro de la franca inventisto Louis Braille (1809–1852), kiu eltrovis skribon legebla por la blinduloj.^[3]

Esploro kaj ecoj

Ĝi estis fotita la 28-an de julio 1999 elde la kosmosondilo Deep Space 1,^[1]^[4] kiu pasis je distanco de 26 km. Bedaŭrinde teknikaj problemoj malfruigis lafotadon. Fotografioj povis esti faritaj nur kiam la sondilo estis malproksimiĝinta je 14 000 km; ili montras longan, neregulan objekton de ĉirkaŭ 2,1×1,0×1,0 km.

9969 Braille estas asteroido de spektra klaso "Q", komponita ĉefe de olivino kaj pirokseno, kun ĉeesto de metalo. Unuaj observoj elde grundo sugestis, ke ĝi povus esti de tipo "V" de komponiĝo simila al tiu de 4 Vesta.^[5]

Ĝia orbito estas tre discentra kaj klinita. Kvankam ĝia perihelio estas intere de la orbito de Marso. Ĝia afelio kondukas ĝin al duona vojo de la orbito de Jupitero. Ĝia granda duonakso estas tro granda, por ke ĝi povas esti klasifikata amora asteroido. Matematika simulo de tiu orbito montras, ke tiu marsrenkonta asteroido povas evolui al terrenkonta asteroido en ĉirkaŭ 4000 jaroj.