Аляксандр Курловіч
Пол	мужчынскі пол[1]
Поўнае імя	Аляксандр Мікалаевіч Курловіч
Спецыялізацыя	цяжкая атлетыка[3]
Нарадзіўся	27 ліпеня 1961(1961-07-27)[1] Гродна, Гродзенская вобласць, БССР, СССР
Памёр	6 красавіка 2018(2018-04-06)[2] (56 гадоў) Гродна, Гродзенская вобласць, Беларусь[2]
Пахаванне	Гродна
Грамадзянства	СССР Беларусь
Альма-матар	Гродзенскі дзяржаўны ўніверсітэт імя Янкі Купалы
Рост	185 см
Вага	125 кг[4]
Узнагароды і медалі Цяжкая атлетыка Алімпійскія гульні Золата Сеул 1988 звыш 110 кг Золата Барселона 1992 звыш 110 кг

Аляксандр Мікалаевіч Курловіч (28 ліпеня 1961 г, Гродна — 6 красавіка 2018) — савецкі і беларускі цяжкаатлет, заслужаны майстар спорту СССР (1987). Узначальваў Прадстаўніцтва Нацыянальнага алімпійскага камітэта Беларусі ў Гродзенскай вобласці.

Двухразовы алімпійскі чэмпіён (1988 і 1992) у суперцяжкай вагавой катэгорыі, чатырохразовы чэмпіён свету (1987, 1989, 1991, 1994), двухразовы чэмпіён Еўропы (1989, 1990), пераможца Кубка свету (1994), пераможца Гульняў добрай волі (1990).

Устанавіў 12 сусветных рэкордаў.

Узнагароджаны ордэнам «Знак Пашаны». Ганаровы грамадзянін горада Гродна.

У 1984 годзе пасля выяўлення на канадскай мытні анабалічных стэроідаў, Аляксандр Курловіч быў пазбаўлены звання «Заслужаны майстар спорту», але пазней атрымаў яго ізноў.

У яго гонар заснаваны міжнародны турнір па цяжкай атлетыцы Alexander Cup^[5]

• Курловіч Аляксандр Мікалаевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 412. — 800 с. — 5 000 экз. — ISBN 985-11-0026-9.

• Нацыянальны алімпійскі камітэт Рэспублікі Беларусь
• Аляксандр Курловіч на сайце Lift Up