Калодзішчы?
Від з боку 50 сектара на пахаванні 50 і 49 сектароў могілак «Калодзішчы».
53°54′21″ пн. ш. 27°50′02″ у. д.HGЯO
Размяшчэнне
Краіна	Беларусь
Вобласць	Мінская вобласць
Раён	Мінскі раён
Гісторыя
Дата заснавання	1995
Плошча	60,71 га

Могілкі «Калодзішчы» — могілкі ў Мінскім раёне, на якіх вядзецца пахаванне жыхароў Мінска. Адкрыты ў 1995 г. Плошча: 60,71 га^[1]. Колькасць пахаванняў паводле некаторых ацэнак — больш за 43 тыс.^[2]. Знаходзіцца ў раёне вёскі Глебавічы. З Мінска на могілкі ходзіць гарадскі аўтобус № 31 з прыпынкамі каля галоўнай і 2-й брамы^[3][4]. Адносіцца да абмежавана дзеючых паводле пэўных звестак^[5] і да дзеючых паводле іншых^[6]. Пры гэтым дазваляецца не толькі пахаванне да сваякоў і пахаванне крэміраванных нябожчыкаў, але і пахаванне трунаў у новыя магілы. Могілкі адносяцца да змешанных: там пераважаюць у невызначанай прапорцыі свецкія пахаванні постсавецкага часу і праваслаўныя пахаванні сучаснага тыпу.

• Валянцін Блакіт (1938—2007) — беларускі пісьменнік.
• Янка Брыль (1917—2006) — Народны пісьменнік БССР.
• Лявонцій Якаўлевіч Гаранін (1926—2014) — беларускі літаратуразнавец.
• Леанід Дайнека (1940—2019) — беларускі пісьменнік.
• Хведар Жычка (1927—2007) — беларускі пісьменнік, перакладчык.
• Анатоль Казловіч (1946—2011) — беларускі журналіст, пісьменнік, сцэнарыст, выкладчык.
• Анатоль Кудравец (1936—2014) — беларускі пісьменнік.
• Альгерд Невяроўскі (1969—2009) — беларускі журналіст.
• Леанід Віктаравіч Раманоўскі (1943—2002) — беларускі мастак, педагог.
• Рыгор Рэлес (1913—2004) — яўрэйскі пісьменнік і паэт.
• Янка Сіпакоў (1936—2011) — беларускі пісьменнік.
• Уладзімір Смялоўскі (1926—2009) — вучоны-тарфянік, пісьменнік і паэт.
• Васіль Шугалей (1970—2004) — беларускі музыкант-авангардыст, паэт, прадзюсар.
• Вераніка Чаркасава (1959—2004) — беларускі журналіст.
• Сяргей Яноўскі (1925—2010) — удзельнік беларускага патрыятычнага падполля ў 1946—1947 гг.

Таксама на могілках «Калодзішчы» пахаваны Галіна Пікулік і Анатоль Наркевіч — ахвяры тэракта ў на ст.м. «Кастрычніцкая» 11.04.2011 г.^[7].

• Схема могілак у Інтэрнеце
• Старонка на сайце Kolodischi Info
• Старонка на сайце рытуальных паслуг Funeral.by