Віцебская акруга
Краіна	СССР
Уваходзіць у	БССР
Адміністрацыйны цэнтр	Віцебск
Дата ўтварэння	17 ліпеня 1924
Дата скасавання	26 ліпеня 1930
Насельніцтва	583 400 чал. (1926)
Плошча	11 400 км²
Медыяфайлы на Вікісховішчы

Віцебская акруга — адміністрацыйна-тэрытарыяльная адзінка ў БССР у 1924—1930 гг. Утворана 17 ліпеня 1924 г. У яе ўвайшлі цалкам былы Віцебскі павет і часткі Аршанскага, Гарадоцкага, Лепельскага, Полацкага і Сенненскага паветаў. Цэнтр — Віцебск. Плошча акругі 11,4 тыс. км². Насельніцтва 583,4 тыс. чал. (1926 г.).

Уключала 12 раёнаў:

• Бешанковіцкі
• Віцебскі
• Высачанскі
• Гарадоцкі
• Езярышчанскі
• Лёзненскі
• Лосвідскі
• Мяжанскі
• Сенненскі
• Сіроцінскі
• Суражскі
• Чашніцкі

3 гарады:

• Віцебск
• Гарадок
• Сянно

5 мястэчак:

• Бешанковічы
• Лёзна
• Сураж
• Чашнікі
• Янавічы

20 жніўня 1924 г. раёны акругі падзелены на 131 сельсавет. 29 кастрычніка 1924 г. Лосвідскі раён перайменаваны ў Кузняцоўскі раён, які скасаваны 26 сакавіка 1927 г., яго тэрыторыя ўвайшла ў склад Віцебскага раёна. 12 кастрычніка 1929 г. скасаваны Езярышчанскі раён, яго тэрыторыя аб’яднана з Гарадоцкім раёнам. Выдавалася акруговая газета «Заря Запада». Віцебская акруга скасавана 26 ліпеня 1930 г.

• Камінскі, М. І. Віцебская акруга / М. І. Камінскі // Энцыклапедыя гісторыі Беларусі: У 6 т. Т. 2. Беліцк — Гімн / БелЭн; Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1994. — 537 с.: іл. — С. 322. — ISBN 5-85700-142-0.
• Белорусская ССР: Краткая энциклопедия. В 5-ти т. т.1 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 1. — 768 с. — 50 000 экз. (руск.)