Сенненскі павет
Краіна	Расійская імперыя
Уваходзіць у	Магілёўская губерня
Адміністрацыйны цэнтр	Сянно
Дата ўтварэння	1777
Дата скасавання	15 лютага 1923
Насельніцтва (1897)	219 000[1]
Плошча	4 268,8 вёрст²

Се́нненскі павет — адміністрацыйна-тэрытарыяльная адзінка Магілёўскай, Беларускай і Віцебскай губерняў Расійскай Імперыі на тэрыторыі сучаснай Беларусі з канца XVII ст. да пачатку 1923 года. Адміністрацыйны цэнтр — горад Сянно.

Утвораны ў 22 ліпеня 1777 г. у складзе Аршанскай правінцыі, з 22 сакавіка 1777 г. Магілёўскай губерні (1778 г. губерня ператворана ў намесніцтва). У 1795 г. у склад павета перададзена частка тэрыторыі з мястэчкамі Лукомль і Чарэя, далучаныя ў выніку 2-га падзелу Рэчы Паспалітай. 12 снежня 1796 г. пры скасаванні Магілёўскага намесніцтва павет увайшоў у склад новаўтворанай Беларускай губерні. З 27 лютага 1802 г. Сенненскі павет зноў у складзе Магілёўскай губерні. У 1861 г. да павета далучана частка скасаванага Копыскага павета.

У студзені 1906 г. у асобных маёнтках павета прайшлі забастоўкі падзёншчыкаў, занятых абмалотам збожжа і лесанарыхтоўкамі^[2].

11 ліпеня 1919 г. Магілёўская губерня была скасаваная, а Сенненскі павет быў перададзены ў склад Віцебскай губерні. 15 лютага 1923 г. павет быў скасаваны, а яго воласці былі перададзеныя Аршанскаму, Віцебскаму і Бачэйкаўскаму паветам.

Колькасць насельніцтва:

• 1861 г. — 65 825 чалавек,
• 1864 г. — 85 500 чалавек,
• 1889 г. — 110 600 чалавек,
• 1897 г. — 161 652 чалавек,
• 1905 г. — 190 848 чалавек.

Станам на 1907 год Сенненскі павет налічваў больш за 1800 населенных пунктаў:

• вёсак — 834,
• мястэчак — 8 (Абчуга, Астроўна, Бобр, Крупкі, Лукомль, Славяні, Талачын Зарэчны, Чарэя),
• маёнткаў і фальваркаў — 350,
• засценкаў — 281,
• пасёлкаў — 128,
• выселкаў — 14,
• аколіц — 9. ^[3]

Найбуйнейшыя землеўладальнікі: Славінскія, Свяцкія, Машчынскія, Гаеўскія, Храптовічы, Бржастоўскія.

У 1913 годзе ў склад павета ўваходзіла 15 валасцей:

• Сенненскія павятовыя маршалкі

Па дадзеных на 1883 г., Сенненскі павет меў 2 школы і 17 народных вучылішч, у якіх навучалася 637 вучняў. Бальніцы працавалі ў Бабры, Машканах, Нямойце, Сянне. Аптэкі існавалі ў Сянне і Чарэі. ^[4]

• Насевіч В. Л. Сенненскі павет // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 330. — 10 000 экз. — ISBN 985-11-0035-8. — ISBN 985-11-0238-5 (т. 14).

• Сенненскі павет Магілёўскай губерні(недаступная спасылка) аўтарства К. Ц. Анікіевіча
• Сеньненскі павет. Адміністрацыйная мапа Архівавана 18 ліпеня 2017.