PROFILPELAJAR.COM

CNN
	United States cable news (en) , Canal temática, sitiu web de noticies y productora de cine
Llocalización
Sede	Centro CNN (es)
Direición	Estaos Xuníos
Historia
Fundación	1r xunu 1980
Fundador	Ted Turner; Reese Schonfeld
Eslogan	Go There (en); More People Get Their News from CNN From Any Other Source (en)
Organigrama
Dueñu	Warner Bros. Discovery (es)
Sector
Industria	periodismu
Productos destacaos	noticia
Participación empresarial
Organización matriz	Warner Bros. Discovery (es) ; Warner Media Group
Filiales	ver CNN Films (en) ;
Propietariu de	ver CNN.com (es) ;
Varios
Premios	(2014) Golden Nymph for Best 24-Hour News Program (en) ; (1997) Premiu Princesa d'Asturies de Comunicación y Humanidaes; Premios Four Freedoms (es) ; Premios Peabody (es) ; Premio George Polk (es) ; Premio Cuatro Libertades Libertad de expresión (es) ; Premios Emmy de Noticia y Documental (es) ; Walter Cronkite Award for Excellence in Journalism (en) ;
	Web oficial

Cable News Network (n'asturianu: Cadena de Noticies per Cable), más conocíu poles sos sigles CNN, ye una canal de televisión d'Estaos Xuníos fundáu en 1980 pol empresariu Ted Turner. Anguaño ye parte de Time Warner, y ye operada por Turner Broadcasting System, una subsidiaria de Time Warner. CNN foi la primer cadena de televisión en cubrir noticies les 24 hores del día.

Dende'l so llanzamientu'l 1 de xunu de 1980,^[1] la cadena espandióse notablemente, incluyendo anguaño 15 cadenes de televisión de cable y satélite, dolce sitiu web y dos cadenes de radio. CNN llanzó tamién delles cadenes n'otros idiomes, como español y turcu.

Anguaño CNN ye la segunda canal de noticies más vistu n'Estaos Xuníos, siendo primeru Fox News Channel. Tien amás, dos cadenes n'español, CNN n'Español y CNN Chile; distribuyendo tamién programes de radio en dichu idioma.

En 1997 foi gallardoniada col Premiu Príncipe d'Asturies de Comunicación y Humanidaes conxuntamente con Vaclav Havel.^[2]

Cadenes especializaes

CNN Airport Network: cadena satelital qu'emite pa los aeropuertos estauxunidenses.
CNN n'Español: cadena qu'emite p'América Llatina. Foi llanzada'l 17 de marzu de 1997. La so sede atópase n'Atlanta.
CNN Chile: cadena qu'emite noticies esclusives pa Chile. Empezó les sos tresmisiones el 4 d'avientu de 2008. La so sede ta en Ciudá Empresarial, Huechuraba, Santiago de Chile, cubre a nivel nacional por Movistar TV, VTR, Telefónica del Sur, GTD y cable operador y a nivel llatinoamericanu por DirecTV.
HLN: cadena que ye un spin-off de la CNN orixinal. Nació en 1982 como CNN2, pero en 1983 camudó'l so nome a Headline News.^[3] Hasta 2001 utilizaba un esquema similar al de Canal 24 Hores de TVE, emitiendo noticies cada 30 minutos, pero anguaño emite bloques d'informativos de 4 hores amás de programes de conversación.
CNN International: emisión internacional de CNN estrenada en 1985 que combina programes de CNN Estaos Xuníos (The Situation Room, Wolf, Anderson Cooper 360°, CNN Tonight) y otros de calter propiu (News Stream, International Desk, Connect the World, Amanpour, Quest Means Business, CNN Newsroom y dellos finacieros y misceláneos continentales y rexonales como Inside Africa, CNN Style, Business Traveler) , dalgunos d'ellos emitíos dende Londres, Abu Dhabi y Hong Kong, y que compite, principalmente, con BBC World News, RT, Al Jazeera y CCTV News. Llega a más de 200 países en tol mundu.
CNN Türk: cadena estrenada'l 11 d'ochobre de 1999. Emite información pa Turquía, siendo la so sede Istambul.
CNN-IBN, Indian Broadcasting Network: cadena estrenada en 2005 qu'emite n'inglés pa la India. Ye una alianza ente Global Broadcast News (GBN) y Turner International (Turner).
CNNj: cadena estrenada'l 24 de marzu de 2003 qu'emite pa Xapón al traviés de SKY PerfecTV!
CNN Philippines: cadena estrenada'l 14 d'ochobre de 2014 qu'emite nes Filipines.
CNN Indonesia: cadena estrenada n'agostu de 2015 qu'emite n'Indonesia.

Cadenes anteriores

CNN Checkout Channel: canal basada en siguimientu personalizáu pa les tiendes de comestibles, empecipiar en 1991 y cerró en 1993.
CNN Italia:^[4] un sitiu web de noticies italianu en collaboración cola editorial Gruppo Editoriale L'Espresso, y dempués col periódicu financieru Il Sole 24 Ore, llanzáu'l 15 de payares de 1999^[5]^[6] y cerráu el 12 de setiembre de 2003.
CNN+: Cadena qu'emitía pa España, llanzada en 1999 gracies a una alianza ente Prisa TV y Turner Broadcasting. Nel añu 2006 empezó les emisiones dende la Televisión Dixital Terrestre. El contratu remató en xineru de 2009, que foi anováu por dos años más, pero tres l'alcuerdu de fusión per absorción de Telecinco y Cuatro, Prisa TV decidió cerrar la canal escusándose nos sos diversos problemes económicos. La canal cesó les sos emisiones el 28 d'avientu de 2010.
CNN Llatín: cadena estrenada'l 28 de xineru de 2013, creada pa públicu falante del español n'Estaos Xuníos, ye una versión de CNN n'Español y ye'l primer pasu de CNN fuera de la televisión per cable.
CNNfn, Financial News: cadena estrenada'l 29 d'avientu de 1996 dedicada a la economía y finances. Cerró n'avientu de 2004.
CNN.com Live: canal realizada en reemplazu de CNN Pipeline, emitía al traviés d'internet.
CNN Pipeline: cadena estrenada'l 5 d'avientu de 2005 qu'emitía les 24 al traviés d'internet, foi reemplazáu pol serviciu CNN.com Live
CNN Sports Illustrated: cadena estrenada'l 12 d'avientu de 1996 dedicada a los múltiples deportes. Foi cerrada en 2002 por cuenta de la fuerte competencia proporcionada por ESPNEWS y National Sports Report de Fox Sports Net, amás de llegar a namái 20 millones d'espectadores, pocu comparáu colos 86,5 millones de ESPN.
CNN Norge: foi sitiu web especializáu para Noruega.^[7]
CNN Sverige: serviciu especializáu para Suecia, descontinuado en 2001.^[7]
CNN en Portugués: foi un sitiu web en idioma portugués. Tenía oficines en São Paulo ya incluyía un sitiu pa Brasil (cnn.com.br).^[7]^[8]

Radios y portales en llinia

Portales en llinia

CNN n'español.com: páxina d'internet del portal CNN.com con información n'español sobre Llatinoamérica, emitida dende Atlanta, Estaos Xuníos.
CNN Árabe: Portal d'Internet n'idioma árabe especializáu en dar información, emite dende Dubái.
CNN Méxicu: Portal d'Internet especializáu n'información emitida dende Méxicu.^[9]
CNNMoney.com: sitiu web especializáu n'economía y finances.
CNN Chile: Portal d'Internet especializáu n'información emitida dende Chile.
CNN Espansión: Portal d'internet especializáu en noticies d'economía y finances en Méxicu y Llatinoamérica. Foi llograda al traviés d'una alianza ente Time Warner y Grupo Espansión. La so sede ta na Ciudá de Méxicu.
CNN Newsource: ye un serviciu basáu en suscripción y apurre conteníu de CNN a estaciones de televisión afiliaes a dicha cadena en tol mundu. Tien sede n'Atlanta.

Radios

CNN Radio: Cadena especializada al traviés de la radio, emitiendo en distintes estaciones d'Estaos Xuníos y América Llatina (esta postrera al traviés de CNN Radio n'Español).

Sedes y oficines

Estaos Xuníos

Atlanta (sede central) Boston Chicago Dallas Los Angeles Miami Nueva Orleans Nueva York San Francisco Washington, D.C.	Columbus Denver Houston Las Vegas Minneapolis Orlando Filadelfia Phoenix Raleigh-Durham Seattle

Mundial

Nota: Munches de les axencies siguientes cerráronse por cuenta de la crisis financiera o retayos presupuestarios.

Abu Dhabi, Emiratos Árabes Xuníos (sede rexonal Oriente Mediu)
Bagdag, Iraq
Bangkok, Tailandia
Caraques, Venezuela
Beixín, China
Beirut, El Líbanu
Berlín, Alemaña
Buenos Aires, Arxentina
El Cairu, Exiptu
Dubái, Emiratos Árabes Xuníos
L'Habana, Cuba
Ḥong Kong (sede rexonal Asia/Pacíficu)
Islamabad, Paquistán
Istambul, Turquía (sede CNN Türk)
Xakarta, Indonesia
Teḥrán, Irán (hasta les eleiciones de 2009, cuando los medios de comunicación estranxeros fueron espulsaos del país)
Xerusalén, Israel
Johanesburgu, Sudáfrica
Lima, Perú
Londres, Reinu Xuníu (sede rexonal Europa)
Madrid, España
Ciudá de Méxicu, Méxicu
Moscú, Rusia
Nairobi, Kenia
Nueva Delhi, India (sede CNN-IBN)
París, Francia
Montevidéu, Uruguái
Roma, Italia
Santiago, Chile (sede CNN Chile)
Seúl, Corea del Sur
Singapur, Singapur
Sydney, Australia
Tokiu, Xapón (sede CNNj)

Ver tamién

Referencies

↑ http://www.history.com/this-day-in-history/cnn-launcheshistory channel This Day in History CNN Launches canal de la historia Esti día na historia de la CNN llanza
↑ «Archived copy». Archiváu dende l'orixinal, el 2023-10-16.
↑ Encyclopedia of journalism. 6. Appendices By Christopher H. Sterling, Glenn Lewis page 237
↑ CNN.com. Edition.cnn.com. http://edition.cnn.com/help/italia/. Consultáu'l 20 de febreru de 2010.
↑ «Nasce "Cnn Italia" 24 ore di notizie web» (italianu). la Repubblica (15 de setiembre de 1999). Consultáu'l 22 d'abril de 2009.
↑ «Roma-Atlanta via web Parte CNN Italia» (italianu). la Repubblica (15 de setiembre de 1999). Consultáu'l 22 d'abril de 2009.
↑ ^7,0 ^7,1 ^7,2 Cadenes de CNN
↑ CNN em Portugues
↑ «Archived copy». Archiváu dende l'orixinal, el 2012-05-22.