PROFILPELAJAR.COM

17 Desember is die 351ste dag van die jaar in die Gregoriaanse kalender (352ste in skrikkeljare). Daar volg nog 14 dae in die res van die jaar .

Gebeure

283 – Pous Gajus volg Pous Eutichianus op as pous van die Rooms-Katolieke Kerk.
384 – Pous Siricius volg Pous Damasus I op as pous van die Rooms-Katolieke Kerk.
1456 – Pous Callixtus III stel 6 kardinale aan waaronder Enea Silvio Piccolomini (later Pous Pius II).
1537 – Pous Paulus III plaas koning Hendrik VIII onder 'n interdik, wat aanleiding gee tot die totstandkoming van die Anglikaanse Kerk.
1652 – Jan van Riebeeck ontdek die komeet C/1652 Y1.
1703 – Pous Clemens XI stel Francesco Pignatelli, aartsbiskop van Napels aan as kardinaal.
1777 – Frankryk word die eerste nasie wat die Verenigde State van Amerika as nasie erken.
1785 – Francesco Saverio Castiglioni (later Pous Pius VIII) word priester gewy.
1832 – Giovanni Maria Mastai-Ferretti (later Pous Pius IX) word aartsbiskop-biskop van Imola.
1837 – 'n Brand breek in die Winterpaleis in Sint Petersburg uit, wat groot dele van die gebou verwoes.
1862 – Generaal Ulysses S. Grant verban Jode uit Tennessee, Mississippi, en Kentucky.
1903 – Die eerste aangedrewe vlug deur die Wright-broers vind plaas.^[1]
1940 – Tweede Wêreldoorlog: Britse bomwerpers val die stad Basel in Switserland aan. Aansienlike skade word aangerig en 4 persone sterf. Switserland was 'n neutrale staat tydens die Tweede Wêreldoorlog.
1944 – Tweede Wêreldoorlog: Malmedy-menseslagting: Waffen-SS troepe vuur met masjiengewere op omtrent 150 ongewapende krygsgevangenes naby Malmedy, België.
1967 – Harold Holt, die Eerste Minister van Australië (gebore 1908) verdwyn terwyl hy naby Portsea, Victoria swem. Dit word aanvaar dat hy verdrink het.
1969 – Die Amerikaanse Lugmag kondig aan dat sy vlieënde-pieringondersoeke geen getuienis ontbloot het oor die bestaan van 'n buite-aardse ruimtetuig nie.
1973 – Die Amerikaanse Psigiatrievereniging verwyder homoseksualiteit van sy lys van geestesversteurings.
1977 – Victoria Falls in Rhodesië word met mortiere aangeval vanuit Zambië; 8 persone beseer.

Geboortes

1840 – Sir John Fraser, Suid-Afrikaanse staatsman († 1927).
1873 – Ford Madox Ford, Engelse romansier, digter, kritikus en redakteur († 1939).
1900 – Koos Strauss, leier van die Verenigde Party en kabinetsminister († 1990).
1905 – Simo Häyhä, Finse soldaat en waarskynlik die suksesvolste sluipskutter van alle tye († 2002).
1908 – William Wordsworth, Britse komponis en nasaat van die broer van die bekende Engelse digter William Wordsworth († 1988).
1929 – Nellie du Toit, Suid-Afrikaanse liriese sopraan († 2018).
1933 – Edmond Schietekat, Vlaamse digter († 1981).
1936 – Jorge Mario Bergoglio (later Pous Franciscus I), die 266ste pous van die Rooms-Katolieke Kerk.
1938 – Peter Snell, Nieu-Seelandse middelafstandatleet († 2019).
1945 – Marlise Joubert, Afrikaanse skrywer en digter.
1975 – Milla Jovovich, Amerikaanse aktrise in Kiëf, Oekraïne gebore.
1992 – Quinton de Kock, Suid-Afrikaanse krieketspeler.

Sterftes

248 – Pous Herakles van Alexandrië 13de patriarg van die Kerk in Alexandrië (* onbekend).
1187 – Pous Gregorius VIII, die 173ste pous van die Rooms-Katolieke Kerk (* ±1110).
1645 – Nur Jahan, keiserin van die Mogolryk van Indië (* 1577).
1830 – Simón Bolívar, Venezolaanse vryheidsvegter en politieke leier (* 1783).
1909 – Koning Leopold II van België (* 1835).
1922 – Ds Abraham Isaac Steytler, invloedryke leraar van die Nederduitse Gereformeerde Kerk (* 1840).
1923 – Folkert Wilko Hesse, ’n Suid-Afrikaanse argitek van Nederlandse herkoms (* 1855).
2011 – Cesária Évora volksangeres van Kaap Verde (* 1941).
2018 – Penny Marshall, Amerikaanse aktrise (* 1943).