Estadistika mula sa Pangasiwaan ng Abyasyon Sibil ng Pilipinas.[1]
Ang Paliparang Pandaigdig ng KaliboIATA: KLO, ICAO: RPVK ay isang paliparan sa Kalibo, ang kabisera sa lalawigan ng Aklan sa Pilipinas. Itinuturing itong isang paliparang pandaigdig ng Pangasiwaan ng Abyasyon Sibil ng Pilipinas, isang pangasiwaan ng Kagawaran ng Transportasyon at Komunikasyon na namamahala sa lahat ng paliparan sa Pilipinas maliban sa mga malalaking paliparang pandaigdig. Ito lamang ang katang-tanging paliparang domestiko na tumatanggap ng mga paglalakbay mula sa ibang bansa noong panahon ng pamamahala ng Tanggapan ng Transportasyong Himpapawid (ATO), bago pinalitan ng CAAP, ang sumunod na ahensiya sa ATO, ang klasipikasyon nito noong 2008.
Sampung minuto lamang ang layo nito mula sa plasa ng Kalibo at ito ay isa sa dalawang paliparang ginagamit patungo ng Boracay. Ang Paliparang Godofredo P. Ramos sa bayan ng Malay, ang ikalawa.
Pagpapalaki
Noong 31 Marso 2008, sinimulan na ang pagpapagawa sa pangalawang terminal ng paliparan. Bahagi ito sa 130-milyong piso halaga ng pagpapalawak na inanunsyo ng Pangulong Gloria Macapagal-Arroyo noong 2007 para maging isa itong istrakturang turismong pandaigdigan. Sa nasabing halaga, 80 milyong piso ang para sa bagong terminal habang 50 milyon ay mula sa Department of Budget and Management para sa pagpapagawa ng isang Instrument Landing System (ILS).[2]
Mga eroplano at pinupuntahan
Kailangang isapanahon ang artikulong ito. Pakitulungang isapanahon ang article na ito upang sumalamin ang kamakailang mga kaganapan o bagong impormasyon na mayroon na.
