«There's a Place» er ein song skriven av John Lennon og Paul McCartney og først gjeven ut på debutalbumet til The Beatles, Please Please Me i 1963. Lennon og McCartney syng begge solovokal på songen, og George Harrison syng korvokal. I USA vart songen gjeven ut på Introducing... The Beatles (Vee-Jay Records) og som B-sida til «Twist and Shout».

Tittelen var inspirert av Leonard Bernstein og Stephen Sondheim sin «Somewhere» frå West Side Story, som inneheld linja: «There's a place for us». McCartney innrømde at han eigde albumet med musikken frå filmen då han skreiv «There's a Place» og at han var inspirert av denne.^[1] Songen vart skriven heime hos McCartney i Forthlin Road og vart spelt på konsertane til bandet i 1963.^[2] Songen vart spelt inn 11. februar 1963 i løpet av ti forsøk under den første av tre innspelingsdagar for Please Please Me. Seinare vart det lagt munnspel på innspelinga.^[3]

• John Lennon – vokal,^[4] rytmegitar, munnspel
• Paul McCartney – vokal, bass
• George Harrison – sologitar, korvokal
• Ringo Starr – trommer

Lydteknikar var Norman Smith

Personell perIan MacDonald^[5]

• Ein coverversjon vart gjeven ut av Flamin' Groovies.
• The Smithereens gav ut ein versjon av songen i 2008 på albumet deira, B-Sides The Beatles.^[6]
• Charly García spelte inn ein versjon for konsertalbumet Estaba en llamas Cuando Me Acosté (1995).
• Ein versjon vart gjeven ut av det amerikanske punkebandet The Dickies i 1998 på albumet deira, Dogs From the Hare that Bit Us.
• Gabrielle Aplin song ein verrsjon for BBC.

• The Beatles Ultimate Experience Database: Please Please Me