Stack-O-Tracks

Stack-O-Tracks er eit samlealbum av The Beach Boys som inneheld akkompagnementet til mange av dei mest kjende songane deira så langt i karrieren. Ei slik utgjeving var og framleis er relativ unik, særleg sidan det er snakk om eit heilt album.

Albumet kom ut i 1968 og var det tredje dette året etter Friends og samleplata Best of The Beach Boys Vol. 3. Stack-O-Tracks vart rekna som eit desperat forsøk frå Capitol Records på å selje Beach Boys-album. Strategien slo feil og Stack-O-Tracks vart det første Beach Boys-albumet som ikkje nådde den amerikanske albumlista. Fram til 1992 og Summer in Paradise var dette den einaste offisielle utgjevinga som klarte dette.

Albumet kom med eit hefte som synte basslinjer, vokalinjer, akkordar og tekstar og var ei gåve til dei som ønskte å høyre kva som låg bak dei fyldige vokalharmoniane. Stack-O-Tracks gjekk raskt ut av opplag og var ikkje mogeleg å få tak i på to tiår. I 1990 kom albumet på CD, men utan heftet som følgde med vinylutgåva. CD-utgåva er i lag med albumet Beach Boys' Party!, samt instrumental bonusspor.