«Myzsterious Mizster Jones» er ein song av det britiske rockebandet Slade, gjeven ut i 1985 som den tredje singelen frå det tolvte studioalbumet deira Rogues Gallery. Songen var skriven av solovokalisten Noddy Holder og bassisten Jim Lea, og produsert av John Punter.^[1] Han nådde 50. plassen på den britiske singellista og låg inne på lista i fem veker.^[2]

B-sida til singelen, «Mama Nature Is a Rocker», var eksklusiv for singelen og kom seinare ut på samlealbumet B-Sides. på 12"-versjonen vart det gjeve ut ein lengre versjon av «Myzsterious Mizster Jones» på A-sida og ei andre B-side, «My Oh My (Piano & Vocal)», vart inkludert.^[3][4]

I Storbritannia vart det òg gjeve ut ein avgrensa 7"-biletplate-utgåve. I Frankrike vart singelen berre gjeven ut som ein promosingel med «All Join Hands» som B-side.

Det vart filma ein musikkvideo til songen, regissert av Phillip Davey. Lea skildra videoen i 1986 som favoritten hans blant Slade-videoane, og syner bandet som gangsterar i eit lager, der dei produserer ulovleg whiskey.^[5]

7"-singel

1. «Myzsterious Mizster Jones» - 3:37
2. «Mama Nature is a Rocker» - 2:52

7" biletplate

1. «Myzsterious Mizster Jones» - 3:37
2. «Mama Nature is a Rocker» - 2:52

12"-singel

1. «Myzsterious Mizster Jones (Extended Version)» - 4:47
2. «Mama Nature is a Rocker» - 2:52
3. «My Oh My (Piano & Vocal Version)» - 3:11

7"-singel (French Jukebox-utgåve)

1. «Myzsterious Mizster Jones» - 3:37
2. «All Join Hands» - 4:16

Slade

• Noddy Holder - solovokal
• Jim Lea - bass, synthesiser, korvokal, produsent på «Mama Nature Is a Rocker» og «My Oh My (Piano & Vocal)», arrangør
• Dave Hill - sologitar, korvokal
• Don Powell - trommer

Andre medverkande

• John Punter - produsent på «Myzsterious Mizster Jones»
• Green Ink - design
• Alan Ballard - fotografi