«George Jackson» er ein song av Bob Dylan, skriven i 1971 som ei hyllest til leiaren av Black Panther, George Jackson, som nyleg hadde vorte skoten og drepen av vaktar i San Quentin Prison den 21. august 1971. Denne hendinga var ei indirekte årsak til opprøret i Attica Prison. Teksten til Dylan syner med biografiske detaljar tydeleg at det er George Jackson frå Black Panther det er snakk om[1]
Dylan spelte inn songen 4. november 1971,[2] og vart raskt gjeven ut på singel den 12. november 1971.[2] Singelen bestod av ein «Big Band version» (storbandutgåve) på A-sida og ei akustisk utgåver på B-sida.[3]
Singelen nådde 33. plass på Billboard-lista i USA.[4] A-sida vart seinare gjeven ut på albumet Masterpieces i 1978, som berre kom ut i Japan og Australia. Begge utgåver finst i dag på iTunes som ein del av Bob Dylan: The Collection.[5]
