Foolish Behaviour er det tiande studioalbumet til Rod Stewart, gjeve ut den 21. november 1980 på Riva i Storbritannia (RVLP 11) og Warner Bros. Records i USA og Tyskland. Albumet vart spelt inn i The Record Plant Studios og Cherokee Studios i Los Angeles frå februar til september 1980. «Passion», «My Girl», «Somebody Special» og «Oh God, I Wish I Was Home Tonight» vart gjevne ut som singlar.
Videoen til ein annan song på albumet, «She Won't Dance With Me», var den tredje musikkvideoen som vart vist på MTV då kanalen vart lansert 1. august 1981. Teksten inneheld ordet «fuck» som ikkje vart fjerna frå videoen.[3]
Salslister
Foolish Behaviour nådde fjerdeplassen på albumlista i Storbritannia og 12. plassen i USA. Det selde til platina 8. januar 1981 i Storbritannia og 4. mars 1981 i USA. Albumet inneheld ein populær singel, «Passion», som nådde femteplassen på den amerikanske singellista. Albumet har seld meir enn fem millionar eksemplar verda over.
