Prisen vert delt ut i den gamle Andrekammarsalen i Riksdagshuset. Her frå seremonien i 2009.
Den alternative Nobelprisen, med det offisielle men mindre brukte namnet Right Livelihood Award, er ein pris som vart skipa i 1980 av Jakob von Uexküll for å "hedra och stödja de som erbjuder praktiska och exemplariska lösningar på de viktigaste utmaningarna världen står inför". Den vert delt ut i Riksdagen i Stockholm kvart år, vanlegvis til fire mottakarar.[1]
Uexküll skipa prisen etter at Nobelstiftinga hadde avvist eit framlegg om eigne nobelprisar for miljøspørsmål og sosiale spørsmål. Stiftinga bak prisen ser derfor prisen i samanheng med nobelprisane, som ein pris som utfyller nobelprisane ved å dekkja område som nobelprisane ikkje dekkjer. Etter at stiftinga vart invitert til å dele ut prisen i Riksdagshuset frå 1985, slo namnet "Den alternative Nobelprisen" gjennom i ålmenta som det vanlegaste namnet på prisen[2].
