Dave Sinclair

	Dave Sinclair
	;
Fødd	24. november 1947 (77 år)
Fødestad	Herne Bay i Kent
Fødenamn	David Michael Richard Sinclair
Opphav	Storbritannia
Aktiv	1960–
Sjanger	progressiv rock
Instrument	piano
Verka som	pianist, komponist, låtskrivar

David Sinclair (fødd 24. november 1947) er ein klaverspelar (orgel, piano, cembalo, elektrisk piano, Mellotron og meir) knytt til Canterbury scene sidan slutten av 1960-åra. Han vart kjend med musikkgruppa Caravan og skreiv somme av dei mest kjende songane deira, som «For Richard», «Nine Feet Underground», «The Dabsong Conshirtoe» og «Proper Job/Back To Front».

Biografi

Han starta karrieren sin kring 1966-1967 med The Wilde Flowers, før han var med å skipe Caravan i 1968 med syskenbarnet Richard Sinclair (bass/vokal), Pye Hastings (gitar/vokal) og Richard Coughlan (trommer) og var inn og ut av dette bandet i 35 år. Innimellom periodane i Caravan, var han medlem av Matching Mole (1971–72), Hatfield and the North (1972–73), The Polite Force (1976–77) og Camel (1978-1979).

Tidleg i 2000-åra gav han ut to soloalbum, Full Circle og Into the Sun (begge 2003). Han flytta til Kyoto i Japan i 2005. Det siste soloalbumet hans, Out of Sinc, kom ut i juni 2018.