59°33′13″N 11°19′48″E / 59.55361°N 11.33000°E / 59.55361; 11.33000

Østre Borgesyssel prosti er eit tenestedistrikt i Borg bispedømme i Den norske kyrkja. Det femner kommunane Aremark, Aurskog-Høland, Indre Østfold, Marker, Rakkestad og Skiptvet i Østfold fylke.^[1] Prosten har sete på Mysen.

Prostiet vart skipa i 1749. Då vart prestegjelda Aremark, Askim, Eidsberg, Rakkestad, Rødenes og Trøgstad skilde ut frå Øvre Borgesyssel prosti. Prostiet hadde frå starten namnet Mellom Borgesyssel prosti. Namnet vart endra til Østre Borgesyssel ved opprettinga av Borg bispedøme i 1973.^[2]

Prostiet er inndelt i sokn. Soknet er grunneininga i Den norske kyrkja. Dei som arbeider i kyrkja er anten tilsette av soknet gjennom kyrkjeleg fellesråd, eller dei er tilsette i prostiet. Dei fleste prestane er tilsette i prostiet, og har tenesta si knytt til eitt eller fleire sokn.

Det er 23 sokn i prostiet (2024).

Tidlegare var prestetenesta organisert gjennom prestegjeld. Ordninga vart fasa ut frå 2004. Før utfasinga hadde Østre Borgesyssel desse prestegjelda:

• Eidsberg prestegjeld med
  • Eidsberg sokn
  • Trømborg sokn
  • Mysen sokn
  • Hærland sokn

• Marker prestegjeld med
  • Øymark sokn
  • Rødenes sokn
  • Aremark sokn
  • Rømskog sokn
  • Ørje sokn
  • Klund sokn

• Rakkestad prestegjeld med
  • Rakkestad sokn
  • Degernes sokn
  • Os sokn i Borg

• Askim prestegjeld med
  • Askim sokn

• Trøgstad prestegjeld med
  • Trøgstad sokn
  • Båstad sokn

• Kyrkjer i Noreg etter kommune
• Kyrkjer i Noreg etter prosti
• Prosti i Den norske kyrkja