ლამპანგის პროვინცია (ტაი.ลำปาง) — ტაილანდის 76 პროვინციიდან ერთ-ერთი, მდებარეობს ქვეყნის ჩრდილოეთში მდინარე ვანგის ხეობაში, ტაილანდის დედაქალაქიდან დაშორებულია 600 კმ-ით. ლამპანგის ძველი სახელწოდება კჰელანგ ნახონი იყო. მეზობელი პროვინციებია: ჩიანგრაი, ფაიაუ, ფრე, სუქოტაი, ტაკი, ლამფუნი და ჩიანგმაი.
განმასხვავებელი ლამპანგის პროვინციის ტაილანდის სხვა პროვინციებისგან არის ის ფაქტი, რომ ქალაქის ქუჩებში კვლავ გამოიყენება საცხენოსნო ტრანსპორტი.
ეკონომიკა
ბრინჯის მოსავალი
ლამპანგის პროვინცია არის ცნობილი კერამიკული საქონლის წარმოებით და სამთო რესურსების მოპოვებით. არსებობს 200-ზე მეტი კერამიკული საქონლის წარმოების ქარხანა ქალაქ ლამპანგი და მის გარეუბნებში.[1]
სამხრეთ-აღმოსავლეთ აზიის უდიდესი ქვანახშირის საბადო და ელექტროსადგური მდებარეობს მაემოს რაიონშიlignite-ის სამთო ტერიტორიაზე. აქ მცენარეებს იყენებენ, როგორც საწვავს. უდიდესი ბეტონის ქარხანა ასევე მდებარეობს ლამპანგის ჩრდილოეთში, lignite-ის სამთო ტერიტორიაზე. სასოფლო-სამეურნეო პროდუქტებიდან, ამ პროვინციაში არის ცნობილი ბრინჯი და ანანასი.
ისტორია
Singha lanna
VII საუკუნეში, ეს ტერიტორიები ეკუთვნოდა ჰარიპუნჩას სამეფოს. XI საუკუნეში, ეს ადგილები დაიკავა ქხემერთა იმპერია, ხოლო 1292 გახდა მეფე მენგრეის. მოგვიანებით, XVI საუკუნეში, ეს ადგილები ეკუთვნოდა მიანმარს. XVIII საუკუნეში ტერიტორიები თავიდან გადაეცა სიამს.[2]
ადმინისტრაციული დაყოფა
ლამპანგის რაიონები
ლამპანგის პროვინცია დაყოფილია 13 რაიონად (ამფხე), რომლებიც, თავის მხრივ, შედგება 100 ქვეზონისგან (ტამბონ) და 855 სოფლისგან (მუბანი).
