Dóra Björt Guðjónsdóttir (f. 19. júní 1988) er oddviti Pírata í borgarstjórn Reykjavíkur. Hún var forseti borgarstjórnarinnar frá árinu 2018 til 2019. Dóra er yngsti forseti borgarstjórnar í sögu Reykjavíkur.^[1]

Dóra ólst upp á Rafstöðvarveg í Elliðaárdalnum í Árbæ. Eftir að hafa lokið stúdentsprófi frá Menntaskólanum í Hamrahlíð flutti Dóra í nám til Noregs og nam heimspeki við Óslóarháskóla.^[2]

Dóra útskrifaðist þaðan með bakkalársgráðu árið 2012. Hún útskrifaðist síðan með bakkalárskgráðu í aðþjóðafræði frá Óslóarháskóla og Freie Universität Berlin árið 2016. Hún sneri síðan heim til Íslands eftir sjö ára dvöl í Noregi og Þýskalandi og hóf störf með Pírataflokknum ásamt mastersnámi í alþjóðasamskiptum. Dóra útskrifaðist með meistaragráðu í alþjóðasamskiptum frá Háskóla Íslands árið 2017.^[3]

Dóra Björt var í framboði til Alþingis fyrir Pírata í Alþingiskosningunum 2024.^[4] Píratar fengu enga þingmenn kjörna í kosningunum.

1. ↑ Lovísa Arnardóttir (19. júní 2018). „Yngsti for­setinn fagnar stóraf­mæli á fyrsta fundi“. Fréttablaðið. Afrit af upprunalegu geymt þann 27. september 2020. Sótt 8. mars 2019.
2. ↑ Kristjana B. Guðbrandsdóttir (28. apríl 2018). „Mjólkaði safnkúna“. Fréttablaðið. Afrit af upprunalegu geymt þann 27. september 2020. Sótt 8. mars 2019.
3. ↑ „Dóra Björt Guðjónsdóttir“. Reykjavíkurborg. Sótt 8. mars 2019.
4. ↑ Árni Sæberg (18. október 2024). „Vill úr borgar­stjórn á Al­þingi“. Vísir. Sótt 15. desember 2024.