Ondo
Wuri
7°10′N 5°05′E / 7.17°N 5.08°E / 7.17; 5.08
Ƴantacciyar ƙasa	Najeriya
Babban birni	Akure,
Yawan mutane
Faɗi	4,671,695 (2016)
• Yawan mutane	301.4 mazaunan/km²
Harshen gwamnati	Turanci
Labarin ƙasa
Yawan fili	15,500 km²
Sun raba iyaka da	Ogun jahar Osun Jahar Ekiti Jahar Kogi jahar Edo jahar Delta
Bayanan tarihi
Mabiyi	Jihar Yammacin Najeriya
Ƙirƙira	3 ga Faburairu, 1976
Tsarin Siyasa
Majalisar zartarwa	executive council of Ondo State (en)
Gangar majalisa	Majalisar dokokin jihar Ondo
Bayanan Tuntuɓa
Lambar aika saƙo	340001
Kasancewa a yanki na lokaci	UTC+01:00
Tsarin lamba ta kiran tarho	+234
Lamba ta ISO 3166-2	NG-ON
Wasu abun
Yanar gizo	ondostate.gov.ng

Jihar Ondo Jiha ce dake kudu maso yammacin Najeriya. An kirkiri jihar Ondo a ranar uku 3, ga watan Fabrairun shekara ta dubu daya da dari tara da saba'in da shida

1976, daga tsohuwar yankin Yammacin Najeriya.[1] Ondo na da iyaka da jihar Ekiti (wanda a da tana cikin jihar Ondo ne) daga arewa, Jihar Kogi daga arewa maso gabas, jihar Edo daga gabas, Delta daga kudu maso gabas, Ogun daga kudu maso yamma sannan kuma jihar Osun daga arewa maso yamma sai kuma Tekun Atlantic daga kudu. Babban birnin jihar shi ne Akure, babban birnin masarautar  Akure a da.[2] Ondo na da kasafin daji na  mangrove-swamp forest kusa da gasar Benin.[3]

Ana mata lakabi da "Sunshine State" wato "jiha mai haskakawa". Jihar Ondo ita ce ta tara a girma a Najeriya.^[4] Kuma ita ce jiha ta ashirin da biyar 25, a fadin kasa.^[5] Mafi akasarin mutanen garin yarbawa ne.^[6][7] Akasarin mutanen garin yarbawa ne, a yayinda ake amfani da harshen yarbanci a garin. Albarkatun kasar Ondo ya ta'allaka ne a kan man fetur, noman cocoa, da makamantansu.^[8] Inda tsaunukan Idenre suke, wanda shi ne tsauni mafi girma a yankin yammacin kasar Najeriya.

Tana da yawan fili kimanin kilomita murabba’in 15,500, da yawan jama’a miliyan uku da dubu dari hudu da arba'in (kidayar a shekara ta dubu biyu da shida 2006). Babban birnin tarayyar jahar shi ne Akure. Oluwarotimi Odunayo Akeredolu, shi ne gwamnan jihar tun zaben shekara ta dubu biyu da sha daya 2011 har zuwa yau. Mataimakin gwamnan shi ne Agboola Ajayi. Dattijan jihar su ne: Yele Omogunwa, Robert Ajayi Boroffice da Omotayo Donald.

Jihar Ondo tana da iyaka da jihohin shida: Delta, Edo, Ekiti, Kogi, Ogun kuma da Osun.

Akeredolu Oluwarotimi Odunayo daga jam'iyyar APC ne gwamnan Jihar Ondo wanda aka rantsar a ranar ashirin da hudu 24, ga watan Fabrairun shekara ta dubu biyu da sha bakwai 2017,^[9] kuma ya karbi mulkin daga hannun Olusegun Mimiko.^[10] Mataimakinsa shi ne Lucky Aiyedatiwa.^[11]

Jihar Ondo nada adadin Kananan hukumomi guda goma sha takwas (18) sune:

• Akoko ta Arewa maso Gabas (cibiyar ta a Ikare).
• Akoko ta Arewa maso Yamma (cibiyar ta a Okeagbe).
• Akoko ta Kudu maso Gabas (cibiyar ta a Isua).
• Akoko ta Kudu maso Yamma (cibiyar ta a Oka).
• Akure ta Arewa.
• Akure ta Kudu.
• Ese Odo.
• Idanre.
• Ifedore
• Ilaje.
• Ile Oluji/Okeigbo.
• Irele.
• Odigbo.
• Okitipupa.
• Ondo ta Gabas.
• Ondo ta Yamma.
• Ose.
• Owo.