Wesley "Wes" Studi (en cherokee: Ꮺꮜ Ꮝꮪꮧ) nado en Nofire Hollow (Oklahoma) o 17 de decembro de 1947, é un actor e produtor cherokee que gañou fama internacional polos seus papeis en filmes de nativos americanos.[1][2] Apareceu en filmes premiados co Óscar como Dances with Wolves (1990) ou O derradeiro dos mohicanos (1992), e en filmes nomeados neses premios como Xerónimo (1993) e The New World (2005). Tamén é coñecido por interpretar a Sagat en Street Fighter (1994). Outros filmes nos que apareceu son Hostís, Heat, Mystery Men, Avatar, A Million Ways to Die in the West, así como na serie de televisión Penny Dreadful. En 2019, recibiu un Óscar Honorífico,[3] converténdose na segunda persoa nativa americana en gañar un Óscar (sendo a primeira Buffy Sainte-Marie), e é o primeiro nativo americano en recibir un Óscar por actuar.[4]
Traxectoria
Fillo de Maggie, unha ama de casa, e Andy Studie, un traballador nun rancho, Studi foi educado na Chilocco Indian Agricultural School en Oklahoma do Norte. Ata que ingresou na escola primaria, só falaba a lingua cherokee. En 1967, foi recrutado no Exército e serviu 18 meses na Guerra de Vietnam. Despois diso, Studi volveuse activo politicamente e participou na ocupación de Wounded Knee na reserva india de Pine Ridge en 1973.[5]
Adicouse a dar clases de cherokee e escrita en silabario, e axudou a fundar un xornal en lingua cherokee. Entrou no negocio da gandería. Após que o seu matrimonio rematase en divorcio, Studi deixou a gandería e comezou a estudar interpretación.
Filmografía
Notas
- ↑ Galbraith, Jane (14 de decembro de 1993). Los Angeles Times, ed. "Q&a with Wes Studi: 'I Came Into the Business at the Right Time'". Arquivado dende o orixinal o 05 de marzo de 2016. Consultado o 30 de novembro de 2010.
- ↑ Kevin Carter (22 de decembro de 1993). The Philadelphia Inquirer, ed. "Actor Champions Indian Heritage". Orlando Sentinel. Arquivado dende o orixinal o 15 de setembro de 2012. Consultado o 12 de decembro de 2010.
- ↑ Hammond, Pete; Hammond, Pete (3 de xuño de 2019). "Oscars: Governors Awards To Geena Davis, David Lynch, Wes Studi, Lina Wertmuller".
- ↑ Academia das Artes e das Ciencias Cinematográficas (ed.). ""An Officer and a Gentleman" (NY)". Consultado o 4 de novembro de 2019.
Academy Award winner: Music – Original Song (“Up Where We Belong,” Music by Jack Nitzsche, Buffy Sainte-Marie; Lyric by Will Jennings)
- ↑ Lewis Beale (16 de decembro de 1993). "Wes (`Geronimo') Studi Wary Of Political Correctness". New York Daily News (Chicago Tribune). Arquivado dende o orixinal o 11 de setembro de 2012. Consultado o 12 de decembro de 2010.
Véxase tamén
