PROFILPELAJAR.COM

Tomas Ledin
	; (2015)
Biografía
Nacemento	(sv) Tomas Folke Jonas Ledin ; 25 de febreiro de 1952 (72 anos); Q10658490
Actividade
Ocupación	cantante, produtor musical, compositor de cancións, artista discográfico
Período de actividade	1972 -
Xénero artístico	Música pop
Instrumento	Guitarra e voz
Selo discográfico	Polar
Participou en
19 de abril de 1980	Festival Eurovisão da Canção 1980 (pt)
1980	Melodifestivalen 1980 (en)
1979	Melodifestivalen 1979 (en)
Familia
Cónxuxe	Marie Ledin
Premios
	(2024) Medalla Pro Finlandia; (2023) Q118864691 ;
Descrito pola fonte	Vem är det 1985 (en) , (sec:Ledin, Tomas F J, p.642); Vem är det 1993 (en) , (sec:Ledin, Tomas F J, p.642); Vem är det 1995 (en) , (sec:Ledin, Tomas F J, p.649)
Sitio web	tomasledin.com

Tomas Folke Jonas Ledin, nado en Östersund o 25 de febreiro de 1952, é un cantante, compositor, guitarrista e produtor musical sueco .

Traxectoria

Ledin criouse en Rätan, Hölö e Sandviken, o seu pai era mestre de preescolar. Estivo nos Estados Unidos como alumno de intercambio e á volta á Suecia rexeitou realizar o servizo militar, influído pola reacción á Guerra de Vietnam do movemento pacifista norteamericano e as letras de Bod Dylan^[1] e obtivo a exención. Ledin comezou a súa carreira musical en 1972 co seu primeiro sinxelo, "Då ska jag spela", que se converteu nun grande éxito, seguíndolle outras cancións populares como "Blå, blå känslor" (1973), "Knivhuggarrock" (1975), "Festen har börjat" (1976) e "I natt är jag din" (1977). Participación na montaxe sueca do musicalGospell en 1975. En 1979 Benny Andersson de ABBA ofreceulle gravar para a compañía do grupo, Polar Music, uníndose ao grupo na súa xira 1979-1980 como corista, pero tamén puido cantar unha composición propia, "Not Bad at All". Tomas Ledin apareceu tamén no DVD ABBA Live e no vídeo Super Trouper.

En 1980 gañou o Melodifestivalen que determinaba o representante sueco no Festival de Eurovisión dese ano coa canción "Just nu!", logrando o décimo posto, pero a canción chegou ao número un da lista sueca^[2] e na súa versión en inglés "Right Now!" foi tamén un éxito en Grecia e Portugal.

En 1982 gravou con Agnetha Fältskog de ABBA a canción "Never Again" que foi popular en Europa, realizando tamén unha versión en castelán, "Ya nunca más" que foi número un en Chile. Ledin compuxo "Take Good Care of Your Children" que Fältskog gravou en 1983 para o álbum Wrap Your Arms Around Mee "I Got Something" para Anni-Frid Lyngstad de ABBA que incluíu no álbum Something's Going On (1982).

Na década de 1980 consolidada a súa fama en Escandinavia, realizou xiras por Alemaña e os Países Baixos en 1982 e en 1983 actuou diante 60.000 persoas en Berlín xunto con outros cantates internacionais, pero non logrou acadar a mesma fama no resto de Europa. En 1984 puxo fin á súa carreira musical e comezou a traballar como produtor da compañía discográfica da súa dona, Record Station, producindo artitas con éxito como Pugh Rogefeldt e Magnus Uggla. En 1985 organizou en Gotemburgo con Mikael Wiehe e Tommy Rander un concerto para o Congreso Nacional Africano con varios artitas suecos.

En 1988 Tomas Ledin volveu compoñer de novo, escribindo cancións en inglés. Lanzou o álbum Down on the Pleasure Avenue que non logrou éxito ningún e Ledin volveu ao sueco logrando en 1990 un novo éxito co álbum Tillfälligheternas spel, converténdose desde aquela un dos artitas con máis vendas en Suecia. En 1991 organizou o Rocktåget, unha xira na que participan artitas suecos de rock e pop por todo o país e que desde entón segue a se celebrar.

En 2000 vendeu 260.000 discos en Suecia do seu álbum Festen har börjat (samlingsalbum), o que significaron tres discos de platino, logrando tamén por vez primeira un disco de ouro en Finlandia. No ano 2002 realizou unha gran xira por Escandivavia con 27 concertos en Suecia e 8 nos outros países, ao que acudiron unhas 250.000 persoas.