Sotieḷḷo[1] é unha parroquia do concelloasturiano de Ḷḷena. Atópase na zona central do concello e linda coa parroquia de Campumanes ao norte, coa de Erías ao leste e nordés, coa de Xomezana ao sur e coa de Zurea ao oeste. Ten unha extensión de 4,64 km² e unha poboación de 56 habitantes (segundo datos de 2017). A totalidade dos habitantes da parroquia están empadroados na vila homónima, aínda que tamén existe a localidade de Alceo e o lugar de San Bras.