PROFILPELAJAR.COM

Río Yangtzé
Tipo	río
Inicio
Continente	Asia
País da cunca	República Popular da China
División administrativa	Qinghai, República Popular da China, Tíbet, República Popular da China, Yunnan, República Popular da China (pt) , Sichuan, República Popular da China, Chongqing, República Popular da China, Hubei, República Popular da China, Hunan, República Popular da China, Jiangxi, República Popular da China (pt) , Anhui, República Popular da China, Jiangsu, República Popular da China (pt) e Shanghai, República Popular da China
Localización	Altiplano do Tíbet
Final
División administrativa	República Popular da China
Localización	Shanghai
Desembocadura	Mar da China Oriental
	33°26′39″N 90°56′10″L / 33.4442, 90.9361; B 31°23′37″N 121°58′59″L / 31.3936, 121.9831
Afluentes	34
Conca hidrográfica	Bacia do rio Yangtzé (pt)
Características
Dimensións	6.300 () km ;
Superficie da cunca hidrográfica	1.808.500 km²
Medicións
Caudal	31.900 m³/s

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

Meandro do Yangtzé en Yunan: o río vira para o norte

O Yangtzé é o río máis importante en lonxitude da China cun curso total de 6.300 km, que o converten o terceiro máis longo do mundo tras o Nilo e o Amazonas. É, así mesmo, o máis longo de Asia. Polo seu caudal medio é o cuarto río máis caudaloso da Terra, tras o Amazonas, o Congo e o Paraná-La Plata. Na súa conca, de case 1.800.000 km² de área, viven uns 350 millóns de habitantes.^[1] É navegábel nunha lonxitude de 2.800 km desde a Shanghai, na desembocadura, até Panzhihua, situándose no medio importantes cidades como Nanjing, Wuhan ou Chongqing, as tres antigas capitais chinesas.

Nomes

O seu nome oficial en chinés é Chang Jiang, que quere dicir simplemente «río longo». Adoita denominarse tamén Yangzi Jiang (en pinyin Yángzǐ Jiāng), que corresponde coa antiga transcrición Wade-Gilles Yang-tze-kiang; este nome alternativo é usado na zona do seu curso final e foi a primeira coñecida polos europeos, e ten sido traducido erradamente como Río Azul. En cantonés a súa denominación é Cheung Kong. En tibetano é coñecido como Dri Chu ou "Río da femia de iak" (dri designa o iak femia).

Xeografía

Curso alto

O Yangtzé nace a 5.405 m de altitude, no glaciar Gangjiajubu^[2], sito na cara sur do pico Geladandong (6.621 m), que forma parte do cordal Tanggula Shan, na provincia de Qinghai. Aquí é denominado río Tuotuo, comezando xa a recoller os primeiros tributarios por baixo dos 5.000 m de altura.

Moi encaixado, corre cara ao sur, delimitando a fronteira entre o Tíbet e a provincia chinesa de Sichuan, nun curso practicamente paralelo ao Mekong e ao Saluen. Aquí e denominado Jinsha (ou "río das areas douradas"). Nesta rexión atravesa as gargantas do Salto do Tigre, un canón de máis de 2.000 m de profundidade.

Curso medio

Nas proximidades da cidade de Dongchuan, vira bruscamente para o norte, serpenteando polos montes Hengduanshuan en Yunnan. Logo vira de novo, esta vez para o leste, e recibe importantes afluentes como o Yalong, o Min e o Jialing, que o transforman nun xigantesco curso de auga lamacento, impetuoso e cargado de refugos e lixos, orixinados polos 120 millóns de habitantes e labregos da conca de Sichuan.

Atravesa a inmensa aglomeración de Chongqing, a cuxa altura se lle xunta o Jialing, unha das maiores cidades do interior da China, con máis de 5 millóns de habitantes, pero que é tamén un gran foco contaminador.

Xusto na altura desta metrópole, o Yangtzé atravesaba as Tres Gargantas, tres enormes canóns no curso medio, e onde se construíu o que constitúe un dos maiores encoros do planeta. As Tres Gargantas forman un espectáculo extraordinario que atrae numerosos turistas, posibilitando o desenvolvemento da industria turística, baseada na navegación entre Chongqing e Yichang. As gargantas ofrecen unha atmosfera misteriosa, en especial cando a brétema e o orballo forman pinguiñas que envolven os cantís e as penedías rochosas que enmarcan o río. Na época das choivas estivais, o nivel das augas pode subir máis de 100 metros, tornando a navegación moi perigosa.

Curso baixo

Pasado ese tramo, o Chang Jiang continúa o seu curso cara á costa, mais agora anchéase e móvese con maior vagar, atravesando varios grandes lagos como os de Poyang e de Dongtin. Neste sector era onde se comezaban a ver os golfiños de auga doce (Lipotes vexillifer), practicamente xa dados por extintos. Porén, aínda se poden ver esturións, cullereiros e os crocodilos da China (Alligator sinensis).

En achegándose á costa do Mar da China oriental o río serpentea a través dos seus «nove meandros con forma de intestino» antes de desaugar nun enorme delta, ocupado por terras agrícolas, lagos e estanques, numerosos illotes e millares de hectáreas de canaveirais. Na desembocadura érguese a cidade portuaria de Shanghai, a maior metrópole chinesa. Ademais, está a conformarse a conurbación do Delta do Yangtzé.

Explotación hidroeléctrica

Artigo principal: Encoro das Tres Gargantas

O encoro das Tres Gargantas, en Yichang (宜昌), Hubei, está sobre o Yangtzé. Levántase no límite da rexión montañosa do alto Yangtzé e a chaira do Yangtzé medio, onde agora está o encoro de Ghezouba, nun punto no que o río posúe un caudal de 14.300 mModelo:Exp/s. A potencia prevista para o ano 2009 é de 22.500 MW. A central debería producir, a partir de entón, arredor de 85 TWh de electricidade por ano, é dicir 85.000 millóns de kw/h.

O Encoro das Tres Gargantas foi proposto polo político chinés Sun Yat-sen en 1919. O sitio foi inspeccionado en 1932 e 1939 polos chineses e xaponeses, respectivamente. Os xaponeses deseñaron un plan (o plan Otani) para o encoro, para despois decatarse de que seguiría baixo control chinés. Máis tarde, en 1944, os Estados Unidos axudaron a planificar o encoro, pero todo traballo cesou en 1947 debido á Guerra Civil Chinesa. En 1949 reanudáronse os traballos de planificación, aínda que moi lentamente debido aos problemas económicos do país.

En 1980 os traballos de planificación ían a bo ritmo, pero en 1992 moita xente votou en contra do encoro. Porén, o goberno aprobou o proxecto, e o 14 de decembro de 1994 comezaron as obras. O encoro xa estaba a plena capacidade a finais de 2008.

Outro importante encoro, o de Xiluodu, está en curso de construción a 770 km río arriba, entre os distritos de Yongshan, provincia de Yunan, e de Leibo, provincia de Sichuan. A misión desta presa é aliviar a presión que o Yantzé exercerá sobre o encoro das Tres Gargantas. A inauguración da central completa está prevista para 2015, cunha potencia de 12.600 MW^[3]^[4].

Hidrometría

Caudais medios do Yantgsé (en m³/s) medidos na estación hidrométrica de Datong
(Datos calculados no período de 1923-86, 64 anos)

Afluentes

O Yangtzé conta con máis de 700 tributarios, mais os principais son^[5]:

Pola dereita:
- Wujiang, con 1.018 km de percorrido.
- Lishui.
- Yuangjiang.
- Zijiang.
- Xiangjiang, ten 801 km de lonxitude.
- Gangjiang, cun percorrido de 760 km.
Pola esquerda:
- Yalong ou Yalongjiang, de 1.187 km de curso.
- Ninjiang.
- Hanjiang, con 1.532 km de lonxitude.
- Huaihe.

O río Yangtsé e os seus afluentes

	Ramal		Nome do afluente				Chinés	Lonxitude (km)	Conca (km²)	Caudal (m³/s)	Desembocadura	Provincias que atravesa
Cabeceiras	-	D	Sistema Jinsha–Tongtian–Tuotuo^[6]						340.000		Yangtsé
	-	-	Jinsha (Chang Jiang)				长江 - 金沙江	2.308	340.000	31.900	Yangtsé
	-	-	-	Río Guan (Guan He ou Yokoe)			横江	305	14.780		Río Jisha
	-	-	-	Río Niulan (ou Kraal)			牛栏江	461	13.787		Río Jisha
	-	-	-	Río Pudu			普渡河	294			Río Jisha
	-	-	-	Río Yalong			雅砻江	1.323	128.444		Río Jisha	Yunnan
	-	-	-		Río Xianshui		鲜水河	680			Río Yalong	Sichuan
	-	-	-		Río Anning		安寧河	320	11.000		Río Yalong
	-	-	-	Río Tongtian			通天河	813	138.000		Río Jisha
	-	-	-		Río Qumar (o Qu Mar o Chumar)		玛尔	527	20.800		Río Tongtian
	-	-	-		Río Tuotuo		沱沱河	375			Río Tongtian
	-	-	-		Río Danqu		当曲	352	30.220		Río Tongtian
	I	-	Río Min				岷江	735	140.000		Río Jisha	Sichuan
	-	-	-	Río Dadu			大渡河	1.155	92.000		Río Min
	-	-	-		Río Qingyi			284	12.897		Río Dadu
Curso Superior	-	D	Río Nanguang								Yangtsé
	-	D	Río Changning								Yangtsé
	-	D	Río Yongning								Yangtsé
	I	-	Río Tuo				沱江	655	27 500		Yangtsé (en Luzhou)	Sichuan
	-	D	Río Chishui					436	20.400	430	Yangtsé
	-	D	Río Shangxi								Yangtsé
	-	D	Río Qijiang								Yangtsé
	I	-	Río Jialing				嘉陵江	1.119	230.000		Yangtsé	Chongqing
	-	-	-	Río Fu			涪江	700	36.400	572	Río Jialing
	-	-	-	Río Qu			渠江	720	39.200	663	Río Jialing
	-	-	-	Río Bailong			白龙江	576	31.800		Río Jialing	Gansu Sichuan
	-	-	-	Río Baishui			白水				Río Jialing
	-	D	Río Wu (xunto co Sancha e o Yachi)				乌江	1.150	80.300		Yangtsé	Guizhou Chongqing
	I	-	Río Pengxi								Yangtsé
	I	-	Río Tangxi								Yangtsé
	I	-	Río Meixi								Yangtsé
	I	-	Río Shennongxi								Yangtsé
	I	-	Río Longmen Xia								Yangtsé
	I	-	Río Shennongxi								Río Yangtsé	Hubei
	I	-	Río Huangbo (ou Huangbai)								Yangtsé
	I	-	Río Qingjiang				沱江	423	16.700		Yangtsé
Curso Medio	-	D	Lago Dongting						162.225		Yangtsé
	-	-	-	Río Li (ou Lishui)			澧水	388	18.500		Lago Dongting	Hunan
	-	-	-	Río Yuan (inclúe ao Qingshui) (ou Yuanjiang)			沅江	1.033	89 163		Lago Dongting
	-	-	-		Río You (ou Youshui)		酉水)	477	18.350		Río Yuan
	-	-	-		Río Wu		巫水	168			Río Yuan
	-	-	-	Río Zi (Zijiang)			资江	653	28.100		Lago Dongting
	-	-	-	Río Miluo			汨罗江	400			Lago Dongting
	-	-	-	Río Xiang			湘江	856	96.400		Lago Dongting	Guangxi Hunan
	-	-	-		Río Xiao		瀟水	354	12.099		Río Xiang
	-	-	-		Río Liuyang			234	4.665		Río Xiang
	-	-	-		Río Lian		涟水	232	7.150		Río Xiang
	-	-	-		Río Mi		洣水	296	10.305		Río Xiang
	-	-	-		Río Zheng		蒸水				Río Xiang
	-	-	-		Río Lei		耒水	439	11.905		Río Xiang
	I	-	Río Dongjing								Río Yangtsé
	I	-	Río Huangsi								Río Yangtsé
	I	-	Río Han (Hànshǔi)				汉江 - 汉水	1.532	176.000	1.200	Río Yangtsé	Shaanxi Hubei
	-	-	-	Río Dan			丹江	443	16.810		Río Han	Shaanxi
	-	-	-	Río Tangbai			唐白河		24.215		Río Han
	I	-	Río Fushui				富水	196			Yangtsé	Hubei
Curso inferior	-	D	Lago Poyang								Yangtsé	Jiangxi
	-	-	-	Río Xiushui				357	14.793		Lago Poyang
	-	-	-	Río Gan (ou Ganjiang)			赣江	991	81.600		Lago Poyang	Jiangxi
	-	-	-		Río Heshui						Río Gan
	-	-	-		Río Zhang		章江	466			Río Gan
	-	-	-		Río Gong		貢水	278	26.589		Río Gan
	-	-	-			Río Meihe	梅河				Río Gong
	-	-	-			Río Xiang	湘水				Río Gong
	-	-	-	Río Xiu			修水	357	14.793	483	Lago Poyang	Jiangxi
	-	-	-	Río Fu (ou Fuhe)			抚河	312	15.800	483	Lago Poyang	Jiangxi
	-	-	-	Río Shun			信江	360	17.600		Lago Poyang	Jiangxi
	-	-	-	Río Xinjiang							Lago Poyang
	-	-	-	Río Raohe				40	15.000		Lago Poyang
	-	-	-		Río Changjiang			267	7.036	181	Río Raohe
	-	-	-		Río Le'an			279	8.456	489	Río Raohe
	I	-	Río Huai He-lagos Shaobohu-Gaoyou-Hongze					1.100	174.000		Yangtsé

Notas

↑ quote="Today, the Yangtze region is home to more than 400 million people, or nearly one-third of China's population. Some of China's largest cities" Arquivado 2017-12-13 en Wayback Machine. [1]^{[Ligazón morta]}. Consultado o 10 de setembro de 2010.
↑ O xeólogo alemán D. Ortlam probou, en agosto de 1989, que o Chang Jian nacía nese glaciar
↑ A central hidroeléctrica de Xiluodu aliviará a presión sobre do encoro das Tres Gargantas, Le Quotidien du Peuple en ligne, 9 decembro 2007
↑ Construction of Xiluodu Hydropower Station Starts, China.org.cn, 27 décembre 2005 (en inglés)
↑ Debe lembrarse que o chinés jiang vale por "río"; é transcrito ás veces kiang mesmo no nome do río aquí descrito, Yangtzé-kiang, ao que se lle apón, tautoloxicamente, río.
↑ a cabeceira principal do Yangtsé, formada polo Jinsha, que continúa augas arriba chamándose río Tongtian (813 km) e cuxa fonte máis lonxana é o río Tuotuo (375 km).